12.02.2019 / 11:13

Палёт людзей на Марс адмянілі 10

pixabay.com

Кампанія Mars One Ventures, камерцыйнае падраздзяленне прыватнага праекта Mars One па стварэнні пастаяннай калоніі на Марсе, абвешчана банкрутам. Пра гэта паведамляе выданне Engadget.

Згодна з рашэннем грамадзянскага суда горада Базэля (Швейцарыя), Mars One Ventures была прызнана фінансава неплацежаздольнай 15 студзеня 2019 года. Па словах Баса Лансдорпа, аднаго з кіраўнікоў праекта, хоць некамерцыйнае падраздзяленне Mars One Foundation афіцыйна працягвае працаваць, адсутнасць інвестыцый робіць выкананне пастаўленых задач немагчымым. Лансдорп адмовіўся даваць падрабязныя каментары Engadget, аднак заявіў, што займаецца пошукам вырашэння праблемы.

Mars One складаецца з двух падраздзяленняў — камерцыйнага Mars One Ventures у Швейцарыі, якое мае права на тэлевізійнае вяшчанне, і некамерцыйнага Mars One Foundation, якое базуецца ў Нідэрландах і кіруе ўсім праектам. Чакалася, што праект будзе атрымліваць фінансаванне за кошт паказу рэаліці-шоу пра каланістаў на Марсе. У рамках праекта быў ажыццёўлены адбор кандыдатаў у каланісты з сотняў тысяч добраахвотнікаў па ўсім свеце і зняты дакументальны фільм пра іх.

Ад іншых падобных праектаў Mars One адрознівае тое, што, згодна з планам, каланісты не павінны былі вяртацца на Зямлю і заставаліся жыць на Марсе. Усе работы па распрацоўцы кіраваных касмічных караблёў, сістэм жыццезабеспячэння, жылых модуляў і дастаўкі грузаў перадаваліся субпадрадчыкам. Чакалася, што першая высадка людзей на чырвоную планету адбудзецца ў 2027 годзе.

1
siarjuk / Адказаць
12.02.2019 / 11:25
Не гатовы яшчэ людзі да такіх палётаў.
14
вася чэсных / Адказаць
12.02.2019 / 11:48
Деньги освоили и самоликвидировались. Фраза "отсутствие инвестиций" означает "больше дураков отдать свои деньги на "марсианский пузырь" - нет. Схема развода проста и гениальна- вся техническая часть(самая важная) лежит на субподрядчиках(то есть черт знает ком), а мы отвечаем за шоу и стрижем деньги. Безо всякой ответственности, Буратино! Программы освоения космоса может реализовать только государство, как это доказал СССР.
1
фелікс / Адказаць
12.02.2019 / 12:10
Рэйс затрымліваецца з-за нялётнага надвор'я.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру