На заводзе «Інтэграл» у Мінску на вуліцы Казінца абрынулася частка будынка, які цяпер дэмантуюць.
Адна са сцен абрынулася на двух работнікаў. Паводле інфармацыі чытачоў, адзін работнік, 63-гадовы мужчына, загінуў на месцы, другі быў цяжка траўмаваны і пазней памёр у бальніцы.
Тэлефоны прадпрыемства пакуль не адказваюць.
СК пазней паведаміў, што на адным з заводаў сталіцы пры дэмантажных работах адбылося абвальванне цаглянай часткі будынка на двух работнікаў прадпрыемства, у выніку якога 63-гадовы мужчына загінуў на месцы, другі мужчына памёр па дарозе ў бальніцу. На месцы здарэння працуе следча-аператыўная група.
0
0
0
0
0
0
