Кіраўнік дзяржавы Аляксандр Лукашэнка, прызначаючы сёння шэраг кіраўнікоў, пракаментаваў інцыдэнт у стаўбцоўскай школе, піша БелТА.
Ён пазначыў праблему дысцыпліны і парадку, з якой, па яго словах, выцякаюць у тым ліку падзеі ўчорашняга дня ў стаўбцоўскай школе. «Я суткі аналізую сітуацыю і ўсякага кшталту размовы на гэтую тэму: хто вінаваты.
Усе мы вінаватыя, і справа не толькі і не столькі ў інтэрнэце. У нас у школах бардак, поўны бардак. Ніколі такога не было», — абурыўся Аляксандр Лукашэнка.
Кіраўнік дзяржавы запатрабаваў звярнуць увагу на месцы масавага збору людзей, перш за ўсё дзяцей.
Што тычыцца інцыдэнту ў стаўбцоўскай школе, ён лічыць, што «трэба на ўсю катушку спытаць перш за ўсё з старшыні райвыканкама». «І з міністра адукацыі. Чаму не навялі парадак у школе?» — сказаў Аляксандр Лукашэнка. «Школа — святое месца. Як у царкву, трэба ісці ў школу», — перакананы кіраўнік дзяржавы.
Лукашэнка рытарычна адазваўся аб сітуацыі ў школах. Ён запатрабаваў да яго вяртання з камандзіроўкі (у Расію) далажыць, што зроблена па навядзенні парадку.
«Жалезная дысцыпліна павінна быць», — сказаў Аляксандр Лукашэнка. «Нам трэба захаваць тую стабільнасць, якая сёння ў краіне ёсць», — дадаў ён.
«Галоўная каштоўнасць — гэта чалавечае жыццё», — падкрэсліў кіраўнік дзяржавы.
Чытайце таксама:
11-класнік, які загінуў у школе ў Стоўбцах, быў актывістам ТБМ, размаўляў па-беларуску і насіў майку з Пагоняй ФОТЫ
Дзесяцікласнік у Стоўбцах напаў з нажом на настаўніцу і аднакласнікаў, двое загінулі
«Цэліў у горла»: сталі вядомыя падрабязнасці здарэння ў Стоўбцах, дзе школьнік зарэзаў настаўніцу і вучня
Што было на старонцы Укантакце ў хлопца, які забіў настаўніцу
Сваякі хлопца, якога парэзаў аднакласнік у Стоўбцах, распавялі пра яго стан
«Ну што яму нарабілася? Гэтыя бедныя дзеткі самі ўсё стараюцца». Родная нападніка са Стоўбцаў расказала пра ягоную сям'ю
