mil.ru
Узброеныя сілы Расіі павінны быць гатовыя да пашырэння спектру ваенных канфліктаў, заявіў міністр абароны Расіі Сяргей Шайгу, адкрываючы аператыўна-мабілізацыйны збор кіруючага складу арміі.
Шайгу прывёў у прыклад канфлікт у Сірыі. Паводле яго слоў, гэта абсалютна іншы тып узброенай барацьбы, які рэзка адрозніваецца ад класічных войнаў, у якіх удзельнічалі рэгулярныя арміі.
«У войскі і сілы штогод паступае каля двух з паловай тысяч новых і мадэрнізаваных узораў ўзбраення і ваеннай тэхнікі. Удасканальваецца арганізацыйная структура злучэнняў і вайсковых часцей», — працягнуў кіраўнік Мінабароны.
Таксама ён адзначыў растучы ўплыў высокадакладнага ўзбраення, сістэм разведкі і радыёэлектроннай барацьбы, з-за чаго, як сцвярджае Шайгу, «карэнным чынам мяняецца характар баявых дзеянняў, з'яўляюцца новыя элементы ў працы камандуючых, камандзіраў і штабоў па кіраванні войскамі і зброяй».