Мужчына нават пасля смерці лічыўся работнікам аднаго з гродзенскіх прадпрыемстваў, піша sb.by.
У Кастрычніцкі РАУС Гродна паступіла інфармацыя аб тым, што жыхар горада, які лічыўся памерлым з кастрычніка 2013 года, да восені 2017-га па дакументах з'яўляўся работнікам аднаго з прадпрыемстваў.
У ходзе праверкі было ўстаноўлена, што на прадпрыемстве дзве «мёртвыя душы». Яшчэ адзін чалавек цягам сямі гадоў лічыўся работнікам фірмы, але не працаваў там. Аказалася, што 60-гадовы дырэктар, жыхар Гродна, аформіў іх на пасады «швачкі-надомніцы», каб забіраць заробкі сабе.
Агульная сума шкоды прадпрыемству ацэньваецца прыкладна ў 12 тысяч рублёў.
За дадзенае злачынства прадугледжана пакаранне да 10 гадоў турмы з канфіскацыяй маёмасці, аднак вінаваты так і застанецца беспакараным — паўтара года таму ён памёр.
У сувязі з гэтым Следчы камітэт не пачне крымінальную справу.
