14.02.2019 / 14:31

Калеснікаў: «Лукашэнка рэзка збочыў у бок гатэля, нават не зірнуўшы на Пуціна. Паміж імі няма нічога» 12

Спецыяльны карэспандэнт расійскага выдання «Коммерсант» Андрэй Калеснікаў назіраў за катаннем Пуціна і Лукашэнкі ў Сочы на лыжах і зрабіў для сябе некалькі высноў па выніках гэтай часткі перамоў.

Фота: kremlin.ru.

Журналіст успомніў, што ў 2002 годзе, у Казахстане, побач з высакагорным катком «Медэа», Пуцін і Лукашэнка вось так жа сустрэліся, і каталіся, каталіся…

«І, як той казаў, нічога. І Саюзная дзяржава Беларусі і Расіі засталася такой самай, як тады, гэта значыць ніякай. І ў адносінах паміж Аляксандрам Лукашэнкам і Уладзімірам Пуціным тады не адбылося прарыву, і да гэтага часу па ўсіх прыкметах — таксама»,

— піша Калеснікаў.

Журналіст «Коммерсанта» апісвае, як супрацоўнік беларускага пратакола рваўся да Лукашэнкі, бо асабісты фатограф, які павінен быў здымаць кіраўніка Беларусі, быў толькі адзін. І ён у гэты час знаходзіўся на іншым спуску — не там, куды паехалі Пуцін і Лукашэнка.

Калі Пуцін і Лукашэнка пайшлі на другі круг, яны сышлі направа, на суседнюю трасу, D1, дзе Лукашэнку чакалі асабісты аператар і фатограф.

Дзіўнае адбылося праз некалькі хвілін. Пуцін і Лукашэнка скаціліся з гары яшчэ раз, падняліся, і паміж імі ў крэсле пад'ёмніка ўзнік Коля Лукашэнка.

Пуцін пайшоў на трэці спуск з гэтай трасы, а Аляксандр Лукашэнка раптам збочыў рэзка налева, у бок гатэля.

Журналіст піша, што гэта быў нечаканы крок, паколькі яны нават не зірнулі адзін на аднаго.

«Гэта ўсё, мне здавалася, пра многае казала, а хутчэй — ні пра што. Гэта значыць пра тое, што паміж імі няма нічога»,

— піша Калеснікаў.

ММ

3
Баян / Адказаць
14.02.2019 / 14:49
жду што ты прыдзёш а быць можат нет
стоит мне цибя увидзець...
3
LitvinM / Адказаць
14.02.2019 / 15:04
Проста сьвята, калі тое так насамрэч !!!!!!!
2
Helgi / Адказаць
14.02.2019 / 15:07
А што паміж імі павінна было быць? Агеньчык кахання? 
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру