15.02.2019 / 15:33

Намеснік кіраўніка Акадэміі навук: Негатыўныя стэрэатыпы пра Сталіна яшчэ не выкараненыя. Каб аднавіць аб'ектыўны вобраз, трэба час 101

Шэраг неабальшавіцкіх рухаў на чале з Васілём Зелікавым — кіраўніком «Усесаюзнай камуністычнай партыі бальшавікоў» — звярнуўся да ўладаў з просьбай ушанаваць памяць Іосіфа Сталіна. У 2019 годзе актывісты збіраюцца святкаваць 140-годдзе яго нараджэння.

Ім прыйшоў адказ за подпісам намесніка старшыні прэзідыума Акадэміі навук Аляксандра Сукалы. Яго змест выглядае вельмі архаічным і дзіўным, аднак тэкст нібыта быў узгоднены з Міністэрствам замежных спраў, Міністэрствам абароны і Міністэрствам культуры.

Акадэмік Аляксандр Сукала, намеснік старшыні прэзідыума Акадэміі навук Беларусі.

«Прыведзеныя факты аб вялікім асабістым унёску І. В. Сталіна ў станаўленне і ўмацаванне беларускай савецкай дзяржаўнасці неаспрэчныя і адпавядаюць рэчаіснасці.

Разам з тым варта ўлічваць, што выключна негатыўныя стэрэатыпныя ўяўленні пра Сталіна, створаныя ў масавай свядомасці грамадства ў другой палове 1950-х — пачатку 1960-х гадоў і ў 1990-я, яшчэ цалкам не выкараненыя. Лічым, што для аднаўлення гістарычна аб’ектыўнага вобраза І. В. Сталіна патрабуецца час, узважаны і прадуманы падыход, што дазволіць пазбегнуць штучнага расколу беларускага грамадства.

Зыходзячы з выкладзенага, Акадэмія навук Беларусі падтрымлівае прапанову аб замене на пастаменце галерэі гарадоў-герояў ля манумента Перамогі на плошчы Перамогі надпісу «Валгаград» на надпіс «Сталінград», што цалкам адпавядае гістарычным фактам», — гаворыцца ў адказе камуністам.

 

Тое, што гэты адказ не фэйкавы, «Нашай Ніве» пацвердзілі ў адзеле справаводства Акадэміі навук. 

«Мы звярталіся да Аляксандра Лукашэнкі 21 снежня, у дзень нараджэння Сталіна. Пісалі аб тым, што набліжаецца 140-годдзе яго нараджэння, што ён шмат зрабіў для станаўлення беларускай дзяржаўнасці. Па ягонай ініцыятыве пабудавалі Мінскі трактарны завод, напрыклад. У нас былі пералічаны ягоныя заслугі. Мы запатрабавалі, каб была заменена дошка «Валгаград» на «Сталінград» на плошчы Перамогі, бо званне героя было прысвоена гораду ў час вайны. Але да Лукашэнкі, відаць, не дайшло, ліст пераслалі ў Саўмін, а той ніжэй. Цяпер мы з гэтым лістом пойдзем у Мінгарвыканкам», — расказаў «Нашай Ніве» пра змест ліста і далейшыя планы сталініст Васіль Зелікаў.

Васіль Зелікаў.

Акадэміку Аляксандру Сукалу 68 гадоў. Сфера яго навуковых даследаванняў — педыятрыя. Звязацца з ім пакуль не ўдалося.

Як яго фармулёўкі ацэньваюць гісторыкі? 

«З напісаным можна пагадзіцца ў адным — што мы сапраўды пра Сталіна мала што ведаем. Вось калі будуць адкрыты архівы КДБ і пайменна надрукаваныя ўсе сталінскія ахвяры з ліку беларусаў, тады мы і даведаемся самую аб'ектыўную інфармацыю, у лічбах. Беларусам трэба яго разглядаць гэтаксама, як і Гітлера. Той таксама планаваў тут потым нейкую вытворчасць арганізоўваць і беларускія школы дазваляў. Дык што, нам яму цяпер помнікі ставіць? У гонар Кубэ вуліцы называць? Сталін без суду і следства загубіў мільёны жыццяў, гэта найвялікшы тыран. Пра што тут гаварыць, мне незразумела, са Сталіным усё ясна», — пракаментаваў «Нашай Ніве» адказ Акадэміі навук кандыдат гістарычных навук Алег Трусаў. 

Арцём Гарбацэвіч

Хочаш падзяліцца важнай інфармацыяй ананімна і канфідэнцыйна?

7
Медны канцлер / Адказаць
15.02.2019 / 14:00
Любы адэкватны гісторык: «Благія кіраўнікі з Акадэміі Навук яшчэ не выкараненыя, патрэбны час для стварэння аб'ектыўна пазітыўнага вобразу нашай навукі».
9
Непрыхвасьцень / Адказаць
15.02.2019 / 14:05
Это всё без сомнения ужасно - ужасно оправдывать откровенного людоеда, создавшего систему, которая базируется исключительно на ссылках, расстрелах и прочих законах 'о трёх колосках'. И пусть какой-либо калдырь из академии наук возразит - йося отправлял на фронт провинившихся 'уражэских агентау', сосланных наблюдать 'какая осень в лагерях'. Стал ли бы коба отправлять людей командовать военными подразделениями, если бы действительно были реальные причины им не  доверять? Конечно, не стал бы! Просто вся его система была построена на страхе, вот и весь сказ. Да и после сталина, кхм, добрый хрущ или там брежнев вовсе не были добрыми - вся совковая система держалась на подавлении инакомыслия. гуглите 'Новочеркасский расстрел'. И это 'добренький' хрущёв, а что творили черти кобы - представлять до невероятия омерзительно.
7
Алякасандр / Адказаць
15.02.2019 / 14:05
Есть такая книга  "политика" автор Аристотель ! если ее почитать , то действие данного лица буду антинаучными в плане создания государственного управления! И боюсь эта личность потеряла уже авторитет на всегда!
Паказаць усе каментары/ 101 /
Каб пакінуць каментар, калі ласка, актывуйце JavaScript у наладах свайго браўзеру