У 2018 годзе кампанія EPAM Systems, буйны сусветны вытворца праграмнага забеспячэння з беларускімі каранямі, павялічыла выручку на 27% да 1,84 млрд даляраў у параўнанні з 2017 годам. Пра гэта гаворыцца ў паведамленні кампаніі, піша Tut.by.
Аперацыйны прыбытак кампаніі за мінулы год склаў 245,8 млн даляраў. Гэта на 72,8 млн даляраў, або на 42,1%, больш, чым у 2017-м годзе. Чысты прыбытак вырас у 3 разы да 240 млн даляраў.
У 2019 годзе кампанія EPAM чакае росту выручкі на 22%. Такім чынам, яна перавысіць 2,2 млрд даляраў. Прыбытак можа скласці 12,5-13,5% ад выручкі, гэта значыць будзе на ўзроўні мінулага года.
Кампанія таксама паведаміла аб тым, што ў штаце EPAM Systems працуюць 30 200 чалавек. Траціна з іх працуе ў Беларусі. Цэнтр распрацоўкі EPAM з'яўляецца найбуйнейшым рэзідэнтам Парку высокіх тэхналогій.
Каментары