17.02.2019 / 19:38

Прэм'ер Японіі вылучыў Трампа на Нобелеўскую прэмію міру 4

Прэм'ер-міністр Японіі Сіндза Абэ вылучыў прэзідэнта ЗША Дональда Трампа на Нобелеўскую прэмію міру за намаганні па ўрэгуляванні ядзернай праблемы КНДР. Пра гэта сам амерыканскі лідар паведаміў у пятніцу на прэс-канферэнцыі ў садзе Белага дома, перадае ТАСС.

Па словах Трампа, Абэ нейкі час таму назад перадаў яму копію свайго ліста ў Нарвежскі нобелеўскі камітэт.

«Прэм'ер-міністр Японіі Абэ перадаў мне копію дзівоснага ліста, які ён накіраваў асобам, якімі прысуджаецца тое, што называецца Нобелеўскай прэміяй міру. Ён сказаў, што вылучыў мяне ад імя Японіі: «Прашу іх прысудзіць вам Нобелеўскую прэмію міру», — перадаў словы японскага прэм'ера Трамп.

«Я сказаў [у адказ]: «Дзякуй, многія іншыя прытрымліваюцца такога ж меркавання». Я, верагодна, ніколі яе [Нобелеўскую прэмію міру] не атрымаю, але нічога. Яны яе далі [папярэдняму прэзідэнту ЗША Бараку] Абаме. Ён нават не разумеў, за што яе атрымаў», — працягваў кіраўнік Белага дома.

Пасланне Абэ Нарвежскаму нобелеўскаму камітэту заняло нібыта пяць старонак. Трамп не ўдакладніў, калі менавіта атрымаў ад японскага прэм'ера копію гэтага дакумента.

«Ведаеце чаму [прэм'ер Японіі звярнуўся ў Нарвежскі нобелеўскі камітэт]? Таму што… над Японіяй ляталі ракеты [КНДР] <…> Цяпер нарэшце яны [японцы] адчуваюць сябе ў бяспецы. Дзякуючы мне», — заявіў Трамп.

«У нас спачатку [з Паўночнай Карэяй] ішоў вельмі жорсткі дыялог. «Агонь і лютасць», «поўнае знішчэнне», «мая кнопка большая за вашу, і мая кнопка працуе», памятаеце <…> Людзі казалі: «Трамп з'ехаў з глузду», — сказаў прэзідэнт.

«А чым усё скончылася? Вельмі добрымі адносінамі!» — перакананы Трамп. «Ён [Кім Чэн Ын] мне вельмі падабаецца, і я яму падабаюся», — адзначыў у сувязі з гэтым кіраўнік вашынгтонскай адміністрацыі.

На яго погляд, «ніхто б гэтага не дамогся». «Адміністрацыя Абамы не змагла б гэтага дамагчыся. Яны, па-першае, не сталі б гэтага дамагацца, і, па-другое, у іх не было здольнасцяў, якія дазваляюць гэтага дамагчыся», — мяркуе Трамп.

4
Той самы / Адказаць
17.02.2019 / 20:00
Варта было б Трампу адмовіцца ад вылучэньня на Нобелеўскую прэмію. Быць у адным шэрагу з Арафатам, Горам,  Абамай... - гонару няма, як раз наадварот.
5
Брыдкая пачвара / Адказаць
18.02.2019 / 09:13
Асабліва будуць рады гэтаму іракцы і сірыйцы, гледзячы на рэшткі школ і лекарань , знішчаных авіяцыяй амерыканскай кааліцыі.
1
Той самы / Адказаць
18.02.2019 / 10:24
Брыдкая пачвара, а не жадаеце думаць пра радасьць тых жа сірыйцаў, украінцаў, грузінаў ад вашых расейскіх "падарункаў"?
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру