17.02.2019 / 20:43

На кальцавой развязцы пад Віцебскам перакулілася фура, кіроўца ў рэанімацыі ФОТА

Аварыя з удзелам фуры адбылася каля 20 гадзін вечара 16 лютага пад Віцебскам, паведамілі ў ДАІ вобласці.

Паводле папярэдняй інфармацыі, 44-гадовы кіроўца цягача маркі «ДАФ», які быў у счэпцы з паўпрычэпам маркі «Kogel», рухаўся па аўтадарозе Р-49 «Дымаўшчына—Шапуры». Пры праездзе кальцавой развязкі з аўтадарогай Р-87 «Віцебск — Орша» кіроўца не справіўся з кіраваннем, у выніку чаго з'ехаў у кювет і перакуліўся.

Вадзіцель з траўмамі быў шпіталізаваны ў рэанімацыйнае аддзяленне Віцебскай абласной бальніцы.

Каб пакінуць каментар, калі ласка, актывуйце JavaScript у наладах свайго браўзеру