22.02.2019 / 11:22

Мінабароны пра дыялог свайго прэс-сакратара і журналіста «НН»: З Макаравым праведзена размова 13

Міністэрства абароны Беларусі пракаментавала дыялог прэс-сакратара ведамства Уладзіміра Макарава і карэспандэнта «Нашай Нівы» Арцёма Гарбацэвіча.

«Скажыце мне як члену Беларускага саюза журналістаў: чаму вы ў войску не служылі, а? … Няўжо вы саромеецеся сваёй сэксуальнай арыентацыі? У нас выконваецца заканадаўства да літары, мы не амерыканцы, у нас няма ніякіх дыскрымінацый. А, спадар Гарбацэвіч?» — заявіў Макараў замест таго, каб адказаць на пытанні карэспандэнта.

Прэс-сакратар Мінабароны — журналісту: Чаму вы ў войску не служылі? Саромеецеся сваёй сэксуальнай арыентацыі? АЎДЫЯ

«Вывучэнне поўнай стэнаграмы размовы паказвае, што У. М. Макараў як службовая асоба даў вычарпальныя адказы на пастаўленыя журналістам пытанні.

У прыватнасці, рэкамендавана карыстацца афіцыйнымі крыніцамі інфармацыі, а таксама заяўлена, што ваеннае ведамства не каментуе чуткі.

Разам з тым абодва, і начальнік упраўлення інфармацыі — прэс-сакратар Міністэрства абароны У. М. Макараў і журналіст выдання «Наша Ніва» Арцём Гарбацэвіч, павялі сябе не зусім карэктна з пункту гледжання нормаў прафесійнай этыкі.

3 У.М. Макаравым праведзена размова»,

— гаворыцца ў адказе ведамства, падпісаным памочнікам міністра абароны па ідэалагічнай працы Леанідам Касінскім.

***

Начальнікам упраўлення інфармацыі галоўнага ўпраўлення ідэалагічнай працы Міністэрства абароны працуе 63-гадовы палкоўнік Уладзімір Макараў. Ён нарадзіўся ў расійскім Чалябінску, скончыў Свярдлоўскае вышэйшае ваенна-палітычнае танкава-артылерыйскае вучылішча, а пасля Гуманітарную акадэмію ўзброеных сіл Расіі. Быў зампалітам у Беларусі і на Кубе.

Задача Макарава тэхнічная — прадастаўляць у СМІ звесткі, датычныя Міністэрства абароны. Аднак часам ён бярэ ініцыятыву на сябе.

5
Танчык / Адказаць
22.02.2019 / 11:40
Такога прэс-сакратара даўно ўжо звольніць трэба было б, а не "размовы" праводзіць. Ягонае месца - зампаліт на Кубе.
0
Цетка Алена / Адказаць
22.02.2019 / 12:17
Мода на "новую шчырасць" дайшла i да нас.
0
Ёпрст / Адказаць
22.02.2019 / 13:59
Чарговы "іхтамнет". Іх у нас як у Жучкі блох
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру