Фота БелТА
Аляксандр Лукашэнка выказаў засцярогі наконт магчымага размяшчэння ў Еўропе ракет сярэдняй і меншай далёкасці ў сувязі з сітуацыяй вакол дамовы аб гэтых ракетах. Аб гэтым кіраўнік дзяржавы заявіў сёння, адказваючы на пытанні прадстаўнікоў Вайсковай акадэміі, піша БелТА.
Ён адзначыў, што адпаведная тэма ў тым ліку абмяркоўвалася падчас яго сустрэчы з Уладзімірам Пуціным. «Яго пазіцыя практычна нічым не адрозніваецца ад той пазіцыі, якую выкладаюць у СМІ», — сказаў ён.
Аляксандр Лукашэнка падкрэсліў, што верыць расійскаму боку ў тым, што ён не парушаў адпаведную дамову, а калі на Захадзе заяўляюць пра гэта, спрабуе знайсці адказ на абвінавачванні ў бок Расіі. «Але інфармацыі ў гэтым плане ў мяне няма. Яна схаваная. Яе ведае абмежаванае кола людзей», — заўважыў беларускі лідар.
Што тычыцца патэнцыйнай пагрозы для бяспекі Беларусі, Ён падкрэсліў, што «гэта катастрофа, асабліва для нас».
Паводле яго слоў, існуе меркаванне, што выхад ЗША з ДРСМД у тым ліку накіраваны супраць Кітая, які валодае такой зброяй, але не ўдзельнічаў у дамове. «Вядома, гэтымі ракетамі праз Ціхі акіян не запусціш і ўдар па Амерыцы не нанясеш. Амерыканцы перажываюць перш за ўсё за сваіх саюзнікаў у раёне Ціхага акіяна — Карэя, Японія, свае амерыканскія базы, якія там створаныя», - адзначыў кіраўнік дзяржавы.
«Але я баюся таго, што амерыканцы скарыстаюцца момантам — сарвалі гэтую дамову, і размесцяць ракеты ў Еўропе. Вось тут ужо мала не падасца і нам. Таму нам трэба будзе разам з Расіяй думаць аб мерах у адказ.
Ад гэтага нікуды не дзенешся, калі гэта адбудзецца. А горш будзе, калі гэтыя ракеты будуць размешчаны (не дай бог, гіпатэтычна) на тэрыторыі Украіны. Таму мой адказ адназначны: я катэгарычна супраць (разрыву ДРСМД). Мы прыхільнікі міралюбнай палітыкі. Нам не патрэбныя гэтыя разборкі буйных дзяржаў, ад якіх, зыходзячы з гісторыі, мы заўсёды цярпелі. Таму нам не патрэбна гэтая бойня, асабліва цяпер вакол дамовы аб ракетах сярэдняй і меншай далёкасці», — заявіў Аляксандр Лукашэнка.
Ён выказаў меркаванне, што НАТА ўсё-такі можа пайсці на размяшчэнне падобных ракет у Еўропе: «Мне здаецца, хоць Паўночнаатлантычны альянс заяўляе аб тым, што яны не збіраюцца размяшчаць у Еўропе гэтыя ракеты, гэта проста блеф.
У адваротным выпадку, навошта выходзіць. навошта было разбураць гэту дамову? Трэба было дамаўляцца з Кітаем і падключаць яго (да дамовы), калі гаворка пра Кітай»