22.02.2019 / 19:49

Гамяльчук даў прытулак нелегальнай мігрантцы з Расіі, а тая напала на яго з нажом 6

Гамяльчук дазволіў расіянцы нелегальна пражываць у сваёй кватэры, а тая яго параніла нажом, паведамляе міліцыя.

Пазнаёміліся 42-гадовы гамяльчук і 31-гадовая жыхарка Ленінградскай вобласці ў Расіі, куды ў 2017 годзе беларус ездзіў на заробкі. Пасля заканчэння працы жанчына з'ехала разам з новым знаёмым.

Расіянка больш за год жыла ў Гомелі без рэгістрацыі. За гэта жанчыну прыцягнулі да адміністрацыйнай адказнасці і дэпартавалі з Беларусі. На яе сужыцеля таксама склалі пратакол за дапамогу ў парушэнні міграцыйнага заканадаўства.

Аднак жанчына не мела намеру вяртацца ў Расію. Як толькі яна перасекла беларускую мяжу, тут жа на спадарожным транспарце прыехала ў Гомель. Пара пражывала разам яшчэ каля трох месяцаў. Як і раней, яны злоўжывалі спіртным і рэгулярна сварыліся. У выніку чарговы скандал скончыўся нажавымі раненнямі ў мужчыны.

У дачыненні да расіянкі распачалі крымінальныя справы па ч.1 арт.147 КК (наўмыснае прычыненне цяжкага цялеснага пашкоджання) і па арт.371-2 КК (парушэнне тэрміну забароны ўезду ў Рэспубліку Беларусь), а ў дачыненні да беларуса — па ч.1 арт. 371-1 КК (арганізацыя незаконнай міграцыі).

7
Дед Мороз / Адказаць
22.02.2019 / 19:56
вот почему граница и визовый режим с деградирующей РФ (а может и полностью деградированной) нужен... не пускать сюда таких вообще
0
0.5 / Адказаць
22.02.2019 / 20:08
Полибил я россиянку и повесил я портрет. А на утро я роснулся. нож лежит.. а  ..я нет. (старинная частушка)
0
LitvinM / Адказаць
22.02.2019 / 20:25
Паглыбленьне інтеграцыі на побытовым узроўні
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру