23.02.2019 / 11:45

Лукашэнка: Вы што, уключылі б краіну ў склад ці то Польшчы, ці то Расіі? Я на гэта ніколі не пайду 18

president.gov.by

Аляксандр Лукашэнка лічыць галоўным дасягненнем стварэнне суверэннай і незалежнай краіны. Пра гэта ён заявіў у пятніцу на сустрэчы з асабовым складам Вайсковай акадэміі, адзначае БелТА

У тым ліку каментуючы здагадкі з нагоды пагрозы суверэнітэту Беларусі, кіраўнік дзяржавы задаў рытарычнае пытанне, кім трэба быць, каб, стварыўшы і ўзначаліўшы незалежную дзяржаву, потым дапусціць такое развіццё падзей.

«Вы што, пахавалі б яе ўласнымі рукамі, уключыўшы ў склад нейкай краіны, ці то Польшчы, ці то Расіі. Я на гэта ніколі не пайду», — падкрэсліў беларускі кіраўнік.

«У мяне ёсць выразныя межы, за якія я не магу пераступіць. І самае галоўнае — аберагаць (перш за ўсё вашым розумам, талентамі, рукамі) суверэнітэт і незалежнасць нашай краіны. Таму вы нават не слухайце і не чытайце, калі ідзе гаворка пра страту суверэнітэту і незалежнасці нашай краіны», — дадаў Аляксандр Лукашэнка.

Хочаш падзяліцца важнай інфармацыяй ананімна і канфідэнцыйна?

4
меркаванне / Адказаць
23.02.2019 / 11:55
Прадажа белтрансгаза гэта на карысць суверэнітэта і незалежнасці? Прадаў за магчымасць сядзець на шыі народа чарговы раз, лічу. І зрабіў беларусаў яшчэ больш залежнымі ад краіны агрэсара і акупанта.
7
LitvinM / Адказаць
23.02.2019 / 12:14
Даеш сьвята БНР 
5
siarjuk / Адказаць
23.02.2019 / 12:34
Добра было б, каб разам з такімі заявамі правесьці праверку ў войску на адданасьць Беларусі. Бо здаецца, дахалеры там манкуртаў служыць, якім словы Лукашэнкі проста да дупы.
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру