Люты выдаўся цёплым, сярэдняя тэмпература за месяц была на 4—5 градусаў вышэй за кліматычную норму, але ў першыя дні каляндарнай вясны чакаецца кароткачасовае пахаладанне, паведамілі БелТА ў Гідрамеце.
У пятніцу, 1 сакавіка, надвор'е будуць вызначаць атмасферныя франты, за якімі пачне паступаць халодная няўстойлівая паветраная маса з поўначы Еўропы. Ноччу і раніцай, днём месцамі пройдзе кароткачасовы снег. На асобных участках дарог — галалёдзіца. На большай частцы тэрыторыі краіны — моцны парывісты вецер. Тэмпература паветра цягам сутак ад 0 да мінус 6, толькі днём па паўднёвым захадзе да +3.
У суботу ўначы да мінус 4-11, днём будзе ад мінус 5 да +2.
3 сакавіка пачне паступаць цёплая паветраная маса з Атлантыкі. Мокры снег, які будзе пераходзіць у дождж. Ноччу 4-11 марозу, па паўднёвым усходзе месцамі пры праясненнях яна панізіцца да мінус 13 градусаў, толькі ў заходніх раёнах не апусціцца ніжэй за мінус 3. тэмпература днём ад 0 да +6, па паўднёвым захадзе паветра прагрэецца да 8 градусаў.
У панядзелак днём — +2-7, па паўднёвым захадзе да +11.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў25
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары