02.03.2019 / 15:01

У «Галілеа» загінуў наведнік. Ён катаўся на парэнчах і зваліўся з трэцяга паверха дапоўнена 7

У ноч на 2 сакавіка ў мінскім гандлёвым цэнтры «Галілеа» (будынак аўтавакзала) здарыўся трагічны інцыдэнт — з трэцяга паверха упаў наведнік. Пра гэта «Нашай Ніве» паведамілі чытачы.

У інфацэнтры «Галілеа» пацвердзілі смерць наведніка, але адмовіліся ад каментароў. Міліцыя Кастрычніцкага раёна пакуль таксама не каментуе сітуацыю.

Тым часам «Укантакце» ў суполцы заўзятараў мінскага футбольнага «Дынама» з’явіўся допіс пра заўчасную смерць фаната Аляксея «Кашчэя». Збіраецца дапамога яго родным.

Аляксей «Кашчэй». Фота «Укантакце»

«Ці не ён сёння ўначы ў гандлёва-забаўляльным цэнтры «Галілеа» зваліўся ў лесвічны пралёт з трэцяга паверха, катаючыся на парэнчах?», — удакладніў адзін з заўзятараў. «Ён», — адказалі яму.

Карыстальнік, які паведаміў «Укантакце» акалічнасці здарэння, не стаў дадаткова расказаць сітуацыю карэспандэнту «Нашай Нівы». «Я проста чуў пра гэта», — адказаў ён.

Tut.by удакладняе, што кампанія з шасці чалавек адпачывала ў гандлёвым цэнтры. Калі маладзёны спускаліся ўніз з трэцяга паверха, адзін з іх вырашыў з'ехаць на парэнчах, але не ўтрымаўся, зваліўся і разбіўся насмерць.

Пазней у Следчым камітэце пацвердзілі, што «у ноч на 2 сакавіка 28-гадовы мужчына ў ГЦ «Галілеа» на лесвічным пралёце спускаўся ўніз па парэнчах, у выніку чаго зваліўся і быў смяротна траўмаваны».

Праводзіцца праверка. Вывучаюцца запісы камер відэаназірання. Прызначана судова-медыцынская экспертыза.

БЮ

14
Вожык / Адказаць
02.03.2019 / 19:32
В гостинице "Минск" (вход с Советской) вот уже лет 7-10 в лестничных пролетах висят сетки - после того, как один человек там покончил жизнь самоубийством. "Пока гром не грянет..."
3
Электробус / Адказаць
02.03.2019 / 21:05
Безсярдэчны Дарвін
1
mikola ramanau / Адказаць
02.03.2019 / 21:52
Znasli Zabavu
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру