03.03.2019 / 09:02

Вольскі з аншлагам прэзентаваў «Гравітацыю» ФОТЫ 3

Прэзентацыя новага альбома прайшла 2 сакавіка ў зале Prime Hall y Мінску.

Новы альбом «Гравітацыя» завяршае трылогію, пачатую дыскамі «Грамадазнаўства» (2014), «Псіхасаматыка» (2016). Як і папярэднікі, ён быў запісаны ў Вільні з нарвежскім саўндпрадусарам Снорам Бергерудам. Сродкі на запіс і выпуск збіраліся праз краўдфандынг. Зараз пачынаецца працэс рассылкі лотаў і інфармацыі данатарам праекта. Новы альбом даступны на iTunes і іншых лічбавых пляцоўках.

Альбом «Гравітацыя» храналагічна распавядае пра ўсе асноўныя стадыі жыцця чалавека: ад нараджэння да смерці. Рэжысёрамі кліпаў на песні з яго сталі Арцём Лобач («Лепшыя на свеце») ды Елізавета Ганчарова («Човен»).

«Лепшыя на свеце» — адна з найбольш аптымістычных песень альбома, бо яна пра каханне. Такое яскравае і светлае, быццам ляціш над зямлей.

«Човен», наадварот — лірычная песня пра жыццё і смерць. 

Глядзіце захапляльны «Ток» з Лявонам Вольскім:

8
Казік / Адказаць
03.03.2019 / 09:38
І афігенныя новыя аранжыроўкі старых песень у фінале
6
Nokia / Адказаць
03.03.2019 / 10:55
Толькі нараджаўшая жанчына, можа зразумець увесь той боль, які адчувае Пеця Паўлаў, калі Вольскі паспяхова дае канцэрты на вялікіх пляцоўках.
5
Звыклы беларус / Адказаць
03.03.2019 / 11:23
сапрауды ФАЙНА! ТВОРЧЫХ ПОСЬПЕХАУ ГРУПЕ Вольскага!
Каб пакінуць каментар, калі ласка, актывуйце JavaScript у наладах свайго браўзеру