03.03.2019 / 11:03

Міністр абароны Венесуэлы пажартаваў з нагоды амерыканскіх санкцый 3

Міністр абароны Венесуэлы Падрына Лопес распавёў, што даў распараджэнне накіраваць у Мінфін ЗША спіс вышэйшых афіцэраў, каб міністэрству было прасцей ўводзіць санкцыі. Пра гэта ён напісаў у сваім акаўнце ў Twitter.

«Я загадаў перадаць у Мінфін ЗША поўны спіс генералаў і адміралаў Узброеных сіл, каб палегчыць задачу ўводзіць па квотах санкцыі супраць рэвалюцыйных прыхільнікаў Канстытуцыі і нацыянальнага суверэнітэту», — сказаў ён з іроніяй.

Аўтарытарны рэжым Мадура ў Венесуэле працягвае ўтрымліваць уладу, нягледзячы на перманентны эканамічны крызіс. Мадура татальна кантралюе СМІ, палітызаваў сілавыя структуры і абсадзіў суды праверанымі і залежнымі ад сябе людзьмі. Чавістам Мадура процістаіць парламент на чале з Хуанам Гуайдо, які абвясціў сябе выканаўцам абавязкаў прэзідэнта. ЗША выступаюць на баку апошняга.

СГ

0
меркаванне / Адказаць
03.03.2019 / 11:39
Не спадабалася самому разам з мадурым знаходзіцца пад санкцыямі, дык накалякаў яшчэ цэлы спіс? А раптам з таго спіса людзі не пагодзяцца быць з мадурым да канца? Калі ў іх ёсць сумленне, годнасць і вернасць народу, які "чырвоныя" нягоднікі давялі да голаду і нястачы, то павінны не пагадзіцца.
0
Палескі партызан / Адказаць
03.03.2019 / 12:17
Які харобры і мужны ахвіцэр! Які магутны адказ на імперскія захады амерыканцаў у іхнім жа Твітары! Першае, што мусяць зрабіць ЗША - гэта забаніць такіх неадэкватаў у сваіх сацсетках. Страляць у сваіх грамадзян, пісаць посцікі ў мардакнізе - яны майстры. А вы народ забяспечце прадуктамі, туалетнай паперай - самым элементарнвм. Не, слабо. Д..., бл..
0
Котіс / Адказаць
04.03.2019 / 08:38
А ці есць у іх іскандэры, каб жартаваць і смяяцца? Ці іскандэрам пасля ізраільскіх налетау у Сірыі ужо не так смешна?
Каб пакінуць каментар, калі ласка, актывуйце JavaScript у наладах свайго браўзеру