03.03.2019 / 19:58

Хлопчык з алергіяй на малако трапіў у кому, пасля таго як з'еў шакаладныя цукеркі 7

Дактары былі змушаны ўвесці 3-гадовага Амара Вогана ў штучную кому, каб уратаваць яму жыццё, пасля таго як ён знайшоў пад бацькоўскім ложкам заначку шакаладных цукерак, паведамляюць брытанскія СМІ.

Яго 34-гадовая мама з лонданскага раёна Уэмблі пайшла ў кіно, пакінула 38-гадовага тату на гаспадарцы з траімі дзецьмі. Той не скмеціў, як малое выцягнула і з'ела цукеркі з пакунку. Дзіця амаль адразу пачало задыхацца. Ін'екцыя адрэналіну не дапамагла.

Хуткая дапамога забрала малое ў шпіталь, каб уратаваць яму жыццё.

Шакаладныя цукеркі былі адзіным малочным прадуктам у доме.

Мяркуецца, што каля 2% дзяцей маюць алергію на каровіна малако рознай ступені інтэнсіўнасці. Дактары разыходзяцца ў думках, чаму колькасць алергікаў у апошнія дзесяцігоддзі рэзка вырасла. Некаторыя звязваюць гэта з экалогіяй, іншыя — з рэзкім зніжэннем дзіцячай смяротнасці, калі нават слабыя дзеці выжываюць. Існуе і тэорыя, якая звязвае рост алергій з вынаходствам і выкарыстаннем парацэтамолу.

nn.by; ілюстрацыйнае фота з Ютуба

20
Жвір / Адказаць
03.03.2019 / 20:34
І што ? 
8
Ян Севярын Бакей / Адказаць
03.03.2019 / 21:56
Жвір,як думаеце, ці пасьпелі б уратаваць малога ў "сінеокам сасуце стабільнасьці"? таму што і парацэтамол тут не дзіковінка, і дзіцячая сьмяротнасьць немаўлят даволі нізкая , ну і з экалогіяй - усё ў поўным парадку (вунь берасьцейскі акумулятарны на слыху. ну і я вось- разам з сотнямі і тысячамі жыхароў горада- ўжо каторы год пра фенольны выхлап вытворчасьці шкловаты не па чутках ведаем,.) так што алергікаў і тут павінна быць па статыстыцы нямала...і малака ў розных прадуктах...
0
Жвір / Адказаць
04.03.2019 / 09:47
Ян Севярын Бакей, бацькі ведалі пра алергію ў дзіцяці, трэ было сачыць. Акрамя гэтай высновы, нічога больш тут не напрошваецца, навошта ляпіць кучу з усяго-чаго, сп. Ян Севярын ?... 
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру