Па словах галоўнага ветэрынарнага ўрача Брэсцкай гарадской ветстанцыі Аляксандра Сіража, птушкі загінулі ад сутыкнення з празрыстым супрацьшумным экранам.
Мёртвых птушак знайшлі 28-га снежня на зямлі каля дыспетчарскай станцыі грамадскага транспарту на вуліцы Кірава. Там празрысты экран абараняе ад шуму аўтобусаў жылы будынак, што стаіць побач.
Мабыць, гэтыя сімпатычныя чубатыя птушкі карміліся паблізу, а пасля, нечага спалохаўшыся, рынулі проста на празрысты экран... Гэта першая такая масавая гібель амялушак у рэгіёне.
* * *
Амялушка (Bombycilla garrulus) -- птушка атраду вераб’епадобных. З’яўляецца ў нас узімку, улетку адкачоўвае бліжэй да Палярнага кола. Харчуецца рабінаю, шырока разносячы насенне.
ЯС паводле Naviny.by
0
0
0
0
0
0
