05.03.2019 / 11:39

Лукашэнка: Супрацоўніцтва з Захадам выклікае нейкую алергію і часам істэрыку ў Расіі. Нам што, пад плінтус схавацца? 19

president.gov.by

Хоць лёд у адносінах з Еўрапейскім саюзам яшчэ не растаў, Беларусь паспяхова наладжвае дыялог з Еўропай. Пра гэта Лукашэнка заявіў на нарадзе з кіраўніцтвам урада і найвышэйшымі дзяржаўнымі органамі, паведамляе прэс-служба кіраўніка дзяржавы.

— Растуць інвестыцыі, павялічылася дадатнае сальда ў гандлі, развіваюцца кантакты. Мінулы год стаў рэкордным па аб'ёме супрацоўніцтва з Еўрапейскім інвестыцыйным банкам і Еўрапейскім банкам рэканструкцыі і развіцця.

Ён адзначыў, што напярэдадні падчас перамоваў з кіраўніцтвам ЕБРР былі дасягнуты істотныя дамоўленасці па крэдытаванні: «І не пад 9%. Па найважнейшых напрамках: рэканструкцыі, мадэрнізацыі, будаўніцтве новых аб'ектаў у Беларусі — вада, масты, дарогі.

«Лёд у адносінах з Еўрапейскім саюзам не растаў, — падкрэсліў Лукашэнка. — Брусэль падоўжыў дзеянне хай сімвалічных, але ўсё ж абмежавальных мер. Лыжка дзёгцю ў бочцы мёду. Яны ж не маюць ніякага значэння практычна, акрамя сімвалічнага. «Таргуецца» з намі нават па дробязях ЕС, ухіляецца ад размовы аб новым базавым пагадненні, да гэтага часу няма дакладных юрыдычных рамак ўзаемадзеяння», - сказаў кіраўнік краіны.

Ён адзначыў, што ЕС у гэты ж час мае такія пагадненні з Расіяй і іншымі постсавецкімі краінамі. «Дарэчы, Расія вельмі прасунутая ў адносінах з Еўрасаюзам, Амерыкай і НАТА. І мы ж за гэта Расію не папракаем. Мы шукаем у гэтых пагадненнях сваю карысць. Мы не тарпедуем, не перашкаджаем, спрыяем. Думаю, сапраўды гэтак і Расія павінна паступаць, падтрымліваючы нас. Не на словах, а на справе», — заявіў Аляксандр Лукашэнка.

Кіраўнік дзяржавы ў цэлым падкрэсліў, што Беларусь паспяхова наладжвае дыялог са сваім другім найбуйнейшым партнёрам — Еўрасаюзам.

president.gov.by

Паводле слоў Аляксандра Лукашэнкі, «Усходняе партнёрства» набывае прагматычны характар, у ім з'яўляецца больш цікавых для Беларусі праектаў. «Гэта супрацоўніцтва на Захадзе сёння выклікае нейкую алергію і часам істэрыку ў нашага галоўнага партнёра - Расійскай Федэрацыі (у асобных палітыкаў). Пытаемся, чаго вы істэрыце? Нашу прадукцыю на рынак не пускаюць, нахлебнікамі абзываюць, выштурхваюць, ціснуць, дзе толькі можна. Нам што, схавацца пад плінтус і там сядзець?!» — задаў рытарычнае пытанне беларускі кіраўнік.

«Калі перад намі закрываюць дзверы — адныя, другія, трэція, - мы шукаем чацвёртыя. Для таго, каб нармальна існавала дзяржава. І нават пры гэтым ніхто нас не можа папракнуць, што мы нібыта кудысьці павярнуліся. Нам нікуды не трэба паварочвацца. Мы ў такой сітуацыі, што нам трэба пастаянна круціць галавой, бо знаходзімся ў эпіцэнтры падзей — у цэнтры Еўропы, — сказаў кіраўнік краіны. — І нам трэба жыць, адказваць за 10 млн чалавек. Навошта нам шукаць шчасце на краі свету, калі б былі нармальныя эканамічныя стасункі з Расеяй, калі б мы маглі (як мы жалезабетонна дамовіліся ў Саюзнай дзяржаве, у ЕАЭС) свабодна гандляваць, перамяшчаць тавары, маглі перамяшчацца людзі, атрымліваць паслугі, нас не абражалі? Навошта нам шукаць нейкае шчасце невядома дзе?»

Што да ўзаемадзеяння з ЕС, найбліжэйшымі задачамі Аляксандр Лукашэнка назваў падпісанне з Еўрасаюзам прыярытэтаў партнёрства і пагадненняў па рэадмісіі і спрашчэнні візавых працэдур. «Аднак еўрапейцы павінны разумець, што любыя чужыя нашаму народу ідэі і размены на шкоду нацыянальным інтарэсам для нас абсалютна непрымальныя», — рэзюмаваў Аляксандр Лукашэнка.

7
Яугенi / Адказаць
05.03.2019 / 11:54
Что то очень долго АГ : Вы говорите об этом. Это опять очередная Ваша "утка" и "лапша"- Вы так продались Кремлю- что шаг в лево шаг в право: расстрел и прощай власть.
8
меркаванне / Адказаць
05.03.2019 / 12:21
Які дыялог з Захадам можа весьці гэты антыдэмакратычны рэжым, з рэгулярнымі нелегітымнымі выбарамі, неэфектыўнай эканомікай, расейскай газавай трубой, саюзамі ў адкб і "саюзнай дзяржавай" з расеяй? Прымітыўна выпрошвае грошы ў Захада на працяг банкета драздуноў і яго арду карнікаў? Дык гэта не дыялог, а вопль банкрота з крамлёўскай удаўкай на шыі, па-мойму.
6
Ales' / Адказаць
05.03.2019 / 12:28
"У ідэале заходні і ўсходні вектары беларускай замежнай палітыкі павінны ўраўнаважваць адзін аднаго" - давай асацыяцыю з ЕС. Ці боязна ?
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру