Шведскай акадэміі у 2019 годзе будзе дазволена прысудзіць Нобелеўскую прэмію па літаратуры за два гады, паведамляе Reuters. Пра гэта заявіў Нобелеўскі фонд.
«Зноў можна будзе прысудзіць Нобелеўскую прэмію па літаратуры, і гэтай восенню будуць абраныя лаўрэаты за 2018 і 2019 гады», - гаворыцца ў заяве фонду.
Адзначаецца, што Нобелеўскі фонд не дазволіў Акадэміі прысудзіць прэмію па літаратуры у 2018 годзе пасля таго, як у дачыненні да аднаго «чалавека, блізкага да Нобелеўскай прэміі» былі выстаўленыя абвінавачванні ў сэксуальных дамаганнях і гвалце, што фактычна паралізавала працу літаратурнага корпусу.
