Здарэнне адбылося ў бары «Дубочак» ноччу 20 студзеня, паведамляе Рэгіянальная газета.
44-гадовы віляйчук выпіў і заснуў на барнай стойцы. Дзяўчына-бармэн пачала яго будзіць. Калі мужчына прачнуўся, нецэнзурна вылаяўся, ударыў яе спачатку нагой у грудзі, а потым кулаком у галаву.
Збітай дзяўчыне дапамаглі два наведнікі бара. Яны трымалі крыўдзіцеля, пакуль прыедзе міліцыя.
Фігурант прызнаў сябе вінаватым. Ён пазнаў сябе ў запісе з камеры відэаназірання. Але тое, што збіў дзяўчыну, не памятае.
Абвінавачаны раней быў судзімы за забойства з асаблівай жорсткасцю і рабунак. Стаіць на уліку ў доктара-нарколага.
Яму пагражае да трох гадоў пазбаўлення волі.