06.03.2019 / 17:02

Расійскі прэм'ер лічыць бессэнсоўнымі разважанні пра назву валюты Саюзнай дзяржавы 14

Прэм'ер-міністр Расіі Дзмітрый Мядзведзеў лічыць заўчаснымі і пазбаўленымі сэнсу разважанні пра тое, як магла б называцца валюта Саюзнай дзяржавы. Такое меркаванне ён выказаў на прэс-канферэнцыі па выніках перамоваў з прэм'ер-міністрам Люксембурга Ксаўе Бетэлям, піша ТАСС.

«Бессэнсоўна казаць пра тое, дзе будзе эмісійны цэнтр, як будзе называцца валюта [Саюзнай дзяржавы], пакуль не будзе праведзена сумесная праца па ўзгадненні асноўных дакументаў, на базе якога гэты саюз павінен працаваць», — падкрэсліў Мядзведзеў.

Агулам рух да інтэграцыі ён назваў «нармальным і правільным». Адказваючы на ​​просьбу пракаментаваць шэраг нядаўніх крытычных выказванняў на гэты конт Аляксандра Лукашэнкі, Мядзведзеў нагадаў, што кіраўнікі дзвюх дзяржаў ужо сустракаліся нядаўна і абмяркоўвалі гэтае пытанне.

«Мне здаецца, што над гэтым трэба працаваць, а не проста казаць пра тое, што «відавочна Расія нічога не хоча, гэта ўсё для прыкрыцця», — лічыць прэм'ер. — Калі б так разважалі бацькі-заснавальнікі Еўрапейскага саюза, то ніякага Еўрапейскага саюза б не было». «Увогуле любы саюз заснаваны на даверы, а не на каментарах пра тое, у чым мы кагосьці падазраём, што там прыбеглі і на вуха сказалі. Не вельмі добры шлях».

5
LitvinM / Адказаць
06.03.2019 / 17:16
Дзіма - адвалі, адвалі паціху ад граха падалей
5
гыгыгы / Адказаць
06.03.2019 / 17:54
А мы личым бенсэнсоунай валюту гэнага дзяржавы, саму гэтую дзяржаву......
и прамбер министра так сама.........личым.....
5
Inav / Адказаць
06.03.2019 / 17:57
Памятаю даўно тое было, бурна абмяркоўвалі гэтую тэму.Тады прапаноўвалі гібрыд зайчыка і рубля.Заебль хацелі назваць. Не атрымалася.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру