06.03.2019 / 20:11

Хлопец у Асіповічах парэзаў шыны 14 аўтамабіляў 1

У Асіповічах 18-гадовы хлопец парэзаў шыны 14 аўтамабіляў, паведамляе МУС.

Раніцай 5 сакавіка ў Асіповіцкі РАУС паступіла 14 аднатыпных заяў. Жыхары райцэнтра скардзіліся на тое, што ўначы зламыснікі парэзалі колы іхніх машын.

На працягу сутак выйшлі на падазраванага — 18-гадовага мясцовага жыхара. Аператыўнікі затрымалі хлопца. Ён растлумачыў, што напярэдадні выпіваў у кампаніі аднадумцаў, а затым пахуліганіў.

Цяпер падазраваны знаходзіцца ў ізалятары часовага ўтрымання. У дачыненні да яго распачата крымінальная справа па ч.1 арт.339 КК (хуліганства).

0
mikola ramanau / Адказаць
07.03.2019 / 11:22
Idyiot !
Каб пакінуць каментар, калі ласка, актывуйце JavaScript у наладах свайго браўзеру