06.03.2019 / 22:22

У Дзярждуме Расію назвалі «краінай магчымасцей» для беларускай эліты і прапанавалі перацягваць беларускіх кіраўнікоў 20

Першы намеснік старшыні камітэта Дзяржаўнай думы па эканамічнай палітыцы, прамысловасці, інавацыйным развіцці і прадпрымальніцтву Уладзімір Гуценеў у інтэрв'ю карэспандэнту «Федерального агентства новостей» заявіў, што Расіі трэба больш актыўна вітаць з'яўленне беларускіх кіраўнікоў у тых ці іншых сферах расійскага жыцця, таму што Расія для беларускай эліты гэта «краіна магчымасцей».

Дэпутат Дзярждумы адзначыў, што «мяч» цяпер знаходзіцца на баку Аляксандра Лукашэнкі, а таксама беларускай прамысловай і палітычнай эліты.

«Важна, каб яны разумелі, што Расія для іх краіна магчымасцей — не толькі для бізнэсу, але і для палітычнай кар'еры. Я лічу, што нам трэба больш актыўна вітаць з'яўленне беларускіх кіраўнікоў у тых ці іншых сферах нашага жыцця», — сказаў парламентарый.

Уладзімір Гуценеў канстатаваў, што на руках у беларускага боку ўжо працяглы час знаходзіцца шэраг канкрэтных прапаноў, і дзяржаве неабходна прымаць рашэнне.

Парламентарый лічыць, што да пытанняў інтэграцыі Расіі і Беларусі трэба падыходзіць прагматычна.

«Сапраўды, варта не сыходзіць у абмеркаванне другасных пытанняў, а спакойна чакаць рашэння беларускага боку — камфортнага для іх выбару», — рэзюмаваў Гуценеў.

6
Дед Мороз / Адказаць
06.03.2019 / 22:37
нет - вот наш выбор
5
Сяргей з Менску / Адказаць
06.03.2019 / 22:45
Божанька, нарэшце. Забярыце іх ўсіх. Двайны эфект будзе. Беларусь пойдзе наперад. Расія канчаткова згіне. Не забудзьцеся галоўнага ўпраўленца.
4
Ёпрст / Адказаць
06.03.2019 / 22:47
Вось імперцы і пачалі адкрытую спробу куплі беларускага чынавенства. Ідзіце у склад нашага абшчака, Расею, будзем разам піліць маёмасць Беларусі, што скрадзёце, тое ваша. У косках, толькі Беларусь, Расея выключна для нас. Я даўно чакаў, калі яны паспрабуюць публічна прапанавць нашым бюракратам перайсці на іх бок за дазвол паграбіць Беларусь. Рыгоравіч, спіш у шапку, скрадуць тваю уладу!
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру