07.03.2019 / 15:46

З сайта «Мінск-Навіны» знікла скандальная калонка пра беларускую мову ў метро — але пасля вярнулася абноўлена 9

Некалькі дзён таму грамадскасць абмяркоўвала калонку журналіста «Мінск-Навінаў» Міхаіла Міхайлава, у якой той прызнаваўся ў праблемах сацыялізацыі сваёй дачкі. Васьмігадовае дзіця жыве ў Беларусі, але не разумее беларускую мову і не можа даехаць з пукту А ў пункт Б на метро. 

Міхаіл Міхайлаў. Фота Minsknews.by

З гэтага Міхайлаў выводзіў выснову-прапанову, што ў метро варта замяніць беларускую мову на тую, якую разумее яго дачка. 

Перадрукаваная ў «Нашай Ніве» калонка сабрала шмат водгукаў, змест якіх збольшага зводзіўся да парадаў педагагічнага характару ў адрас бацькі. 

Але, як выявілася, з сайта «Мінск-Навінаў» скандальная калонка ў выніку знікла. Чаму так атрымалася? 

Генеральны дырэктар «Мінск-Навінаў» Юрый Казіятка патлумачыць выдаленне матэрыяла не здолеў. 

Але цікавую версію высунуў сам Міхайлаў. 

«Чаму выдалілі? Ну… Адбываецца ратацыя матэрыялаў. З'яўляюцца новыя, старыя прыбіраюцца», — патлумачыў ён. 

Ці не закранае выдаленне матэрыяла яго журналісцкі гонар? 

«Ды я і не бачыў асабліва… А чаму вас гэта турбуе? Гэта нашае прадпрыемства, нашыя справы. Вісеў ці не вісеў, прыбралі ці не прыбралі», — адрэзаў журналіст. 

***

Абноўлена: пасля публікацыі ў «Нашай Ніве» калонку вярнулі на сайт. 

АЯ

3
Мікола / Адказаць
07.03.2019 / 16:10
Я думаю, што лепей бы яго увогуле звольнілі. Думаю яму некамфортна працаваць на беларускім прадпрыемстве з такімі поглядамі. І упэўнены, што ў выпадку звальнення ён таксама крыўдаваць не будзе 8-)))))
3
mikola ramanau / Адказаць
07.03.2019 / 16:20
Moza lepei- KRAINU zmjanic ?!
2
Busvit / Адказаць
07.03.2019 / 16:27
я такие разговоры слышал в 1991 в Грузии от местных типа русскоязычных:"Зачем мне учит это грузинский, пусть они русский учат". Где сейчас те типа русские? не знаю.  Жители Беларуси - учите Беларускую мову!!!!! и будет все хорошо. 
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру