У блогера з Бярозы (Брэсцкая вобласць) Аляксандра Кабанава з раніцы 7 сакавіка ў доме прайшоў ператрус.
Тэлефон Кабанава доўгі час быў недаступны.
Увечары сам Кабанаў распавёў «Брестской газете», што сёння ператрусы прайшлі па двух адрасах: у яго бацькоў і ў дзяўчыны. Ператрус па месцы яго рэгістрацыі правесці не змаглі, таму што быў няправільна пазначаны адрас.
Кабанаў адзначыў, што ператрусы звязаныя з тым, што супраць яго завялі крымінальную справу, але ніякіх падрабязнасцей ён пакуль што раскрываць не хоча. Заяву, пасля якой распачалі справу, на яго напісаў міліцыянт з Бярозы і звязана яна з падзеямі двухгадовай даўніны.
Сёння блогера не затрымлівалі і цяпер ён на свабодзе.
Кабанаў вёў сялянскую гаспадарку, перш чым уключыцца ў грамадскую дзейнасць на хвалі «Маршаў недармаедаў».
Блогеры Сяргей Пятрухін і Аляксандр Кабанаў летась не раз прыцягваліся да адміністрацыйнай адказнасці. Іх штрафавалі за відэаролікі для канала «Народны рэпарцёр», у якіх яны асвятляюць сітуацыю вакол будаўніцтва пад Брэстам акумулятарнага завода «АйПауэр», за збор подпісаў за адстаўку чыноўнікаў, які міліцыя і суд палічылі несанкцыянаваным масавым мерапрыемствам.
Чытайце таксама: Новыя лідары. Фермер Кабанаў з Брэстчыны — вялікая гутарка
Фермера Кабанава, лідара брэсцкага «Марша недармаедаў», пасадзілі на 5 сутак, каб не ўзначаліў Марш у Пінску
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў31
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары