07.03.2019 / 20:58

Уладзімір Зяленскі паскардзіўся ў Дзярждэп ЗША на ціск 2

Кандыдат у прэзідэнты Украіны Уладзімір Зяленскі распавёў намесніку дзяржаўнага сакратара ЗША па палітычных пытаннях Дэвіду Гейлу пра ціск і парушэнні ў перадвыбарнай кампаніі. Пра гэта 7 сакавіка паведамляе прэс-служба каманды Зяленскага ў Facebook.

У прыватнасці, кандыдат у чацвер правёў сустрэчу з прадстаўніком дзяржаўнага дэпартамента. На сустрэчы таксама прысутнічала пасол ЗША ва Украіне Мары Яванавіч.

«Кандыдат у прэзідэнты распавёў спадару Гейлу пра ход перадвыбарнай кампаніі, у якой зараз фіксуюцца парушэнні… Зяленскі нядаўна сутыкнуўся з ціскам — каля яго офіса знайшлі апаратуру для праслухоўвання, якая належыць СБУ», — гаворыцца ў паведамленні.

Таксама яны абмеркавалі «важнасць празрыстасці і дэмакратычнасці выбараў».

Акрамя таго Зяленскі распавёў Гейлу, чым будзе займацца, калі яго абяруць прэзідэнтам.

«Сярод галоўных задач: перамога над карупцыяй, што дасягаецца, у прыватнасці, праз максімальнае садзейнічанне антыкарупцыйным органам і адкрытасць улады», — адзначылі ў камандзе Зяленскага.

67
Valadzimir / Адказаць
07.03.2019 / 21:54
Гы-гы. А каму яшчэ можна паскардзіцца ў сёняшняй "незалежна"-бандэраўскай окраінскай "Цеэвропе",  як не яе рэальным гаспадарам з заакіянскага "абкому". Не Пуціну жа.
14
Niemand / Адказаць
08.03.2019 / 00:31
Правільна. Калі ўжо таварышу Зе выпала быць дурнем па жыццю, трэба адпавядаць свайму "крэда" ва ўсім і паўсюль. Нічога не зробіш, людинка расейскай т.зв. "культуры".
Каб пакінуць каментар, калі ласка, актывуйце JavaScript у наладах свайго браўзеру