08.03.2019 / 13:36

Навукоўцы вылічылі масу Млечнага Шляху

Віктар Малышчыц назіраў метэорны дождж Персеідаў у Стаўбцоўскім раёне ля Налібоцкай пушчы.

Еўрапейскаму касмічнаму агенцтву (ЕКА) удалося вызначыць прыблізную масу Млечнага Шляху — гэта значыць Галактыкі, у якой знаходзіцца Зямля, Сонечная сістэма і ўсе бачныя няўзброеным вокам зоркі. Паводле дадзеных навукоўцаў, разліковая маса роўная 1,5 трлн сонечных мас. Пра гэта гаворыцца ў распаўсюджанай ЕКА ў чацвер заяве.

Вылічэнні былі ажыццёўлены на аснове аб'яднання дадзеных, атрыманых ад місіі тэлескопа ESA Gaia і назіранняў, праведзеных з дапамогай касмічнага тэлескопа Hubble. Папярэднія вылічэнні, праведзеныя астраномамі розных краін, паказалі на масы ад 500 млрд да 3 трлн мас Сонца. Як адзначаецца ў заяве ЕКА, такое моцнае адрозненне ў ацэнках «ў асноўным звязана з розніцай у метадах вылічэнні размеркавання ў Галактыцы цёмнай матэрыі, на якую прыпадае 90% яе масы».

Паколькі цёмная матэрыя не выпускае электрамагнітнага выпраменьвання і наўпрост не ўзаемадзейнічае з ім, гэта ўскладняе або нават робіць немагчымым яе прамое назіранне.

Непасрэдна маса планет складае толькі невялікую частку масы Млечнага Шляху, адзначаюць астраномы ЕКА. Яны паведамляюць, што ў гэтай сувязі вылічэнні былі імі зроблены метадам, заснаваным на вымярэнні хуткасцяў шаравых навал — шчыльных зорных груп, якія круцяцца вакол спіральнага дыска Галактыкі на вялікім ад яго аддаленні.

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру