У Валожыне дзевяцікласнік і дзевяцікласніца скралі ў госця горада кашалёк 1

У міліцыю звярнуўся 35-гадовы жыхар Гродзенскай вобласці. Ён распавёў, што на аўтавакзале ў Валожыне скралі кашалёк са 150 рублямі. Заяўнік падазрае маладых людзей, якія круціліся непадалёк.

Следча-аператыўная група выехала на месца здарэння. Прыкметы былі перададзеныя ўсім нарадам. Падазроная група трапілася на вочы інспектару Віталю Пашкоўскаму, які і затрымаў іх.

У міліцыі высветлілася, што аматарамі лёгкай нажывы апынуліся хлопец і дзяўчына - дзевяцікласнікі адной са школ. 

Заведзена крымінальная справа.

mlyn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ