09.03.2019 / 17:50

Пабудову тунеля паміж Талінам і Хельсінкі праспансіруе кітайскі фонд 7

Амбіцыйны праект па будаўніцтве самага доўгага ў свеце чыгуначнага тунеля па дне Фінскага заліва знайшоў інвестараў. Укласці грошы ў праект мае намер Кітай у рамках праекта «Адзін пояс — адзін шлях». Пра гэта гаворыцца ў паведамленні дэвелаперскай кампаніі Finest Bay Area.

Touchstone Capital у адпаведнасці з дэкларацыяй аб намерах мае стаць мінарытарным акцыянерам кампаніі Finest Bay Area, якая займаецца праектам. Густаў Валтанен, заснавальнік Finest Bay Area, пазітыўна ацаніў дамоўленасць. «Touchstone валодае шырокім вопытам у фінансаванні аналагічных буйных прыватных інфраструктурных праектаў», — заявіў ён. Валтанен адзначыў, што Finest Bay Area не атрымае адразу ўсе € 15 млрд. — грошы будуць прыцягвацца па меры неабходнасці. Touchstone мае намер інвеставаць сродкі ў праект у рамках рэалізацыі кітайскага лагістычнага праекта «Адзін пояс — адзін шлях», які прадугледжвае развіццё транспартнай інфраструктуры на еўразійскай прасторы.

Да нядаўняга часу праект існаваў выключна за кошт сродкаў прыватных інвестараў — самага Валтанена і фінскага распрацоўшчыка мабільных гульняў Пітэра Вестэрбака. Аднак у снежні 2018 года Finest Bay Area прыцягнула € 100 млн. ад дубайскай ARJ Holding LLC.

Праект тунеля паміж сталіцамі Эстоніі і Фінляндыі знаходзіцца на этапе праектавання з 2000-х гадоў. У 2008 годзе Талін і Хельсінкі падпісалі пагадненне аб намерах па праекце.

Запланаваны маршрут тунеля (Фота: Finest Bay Area).

Даўжыня тунеля пад дном Фінскага заліва мае скласці ад 50 да 70 км, што патэнцыйна робіць яго самым доўгім марскім тунелем падобнага роду. Так, даўжыня тунеля пад Ла-Маншам, які злучае Францыю і Вялікабрытанію, складае 51 км, з якіх 39 км праходзяць пад марскім дном. Будаўніцтва Еўратунэля працягвалася з 1987 па 1994 год. Аўтары праекта Талін — Хельсінкі разлічваюць справіцца хутчэй. Па іх апошніх заявах, цягнікі ў тунелі могуць пачаць рух ужо да канца 2024 года. Мяркуючы па відэа, апублікаваным на сайце Finest Bay Area, разам з тунелем павінны быць пабудаваны інфраструктурныя комплексы на абодвух берагах Фінскага заліва. Па праекце Талін і Хельсінкі павінны звязаць два тунелі — адзін для грузавых і адзін для пасажырскіх цягнікоў. Яны павінны злучыць чыгуначную сістэму Фінляндыі з агульнаеўрапейскімі лініямі. Прыкладна на палове дарогі праз заліў плануецца пабудаваць штучны востраў у форме пяціпялёсткавай кветкі, з будынкамі і прычаламі.

Паводле ацэнак Helsingin Sanomat, тэрмін акупнасці праекта можа скласці 17 гадоў, калі кошт паездкі ў абодва канцы будзе на ўзроўні €100.

4
Непрыхвасьцень / Адказаць
09.03.2019 / 20:13
Мде.. 100 евро поездка.. катались год назад на катерах по 20 евро в один конец.. как-то дораха соточка..
6
песимист / Адказаць
09.03.2019 / 22:21
у такия тэрмины нерэальна Не рэальна у такiя тэрмiны памножце на 3,5 дай за такi кошт таксама з востравам? Ды цi той напрамак за такiя грошы вострау утопiя наогул на Балтыцы
0
metsavend / Адказаць
10.03.2019 / 09:24
Если учесть, что, по расчётам проектировщиков, скоростной поезд будет доставлять пассажиров из Таллинна в Хельсинки всего за 20 минут, то стоимость проезда совсем невелика. Сейчас паром преодолевает расстояние между двумя столицами в  в среднем за 2-2,5 часа - в зависимости от погоды, зато цены ниже. Но  каждому своё - кому цена, а кому - скорость. Выбор есть, точнее, будет, когда построят тоннель. 
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру