З прычыны рэкорднага неўраджаю сутачны прадуктовы паёк у Паўночнай Карэі скарацілі з 576 да 300 грамаў на чалавека. Пра гэта паведаміў кіраўнік прадстаўніцтва гуманітарнай арганізацыі Deutsche Welthungerhilfe у Паўночнай Карэі Ларс Дзюеркоп у інтэрв'ю DW.

Дзюеркоп адзначыў, што 300-грамовы паёк складаецца са збожжавых, кукурузы і бульбы. Людзі, якія маюць патрэбу ў дадатковай ежы, могуць яе набыць за свае грошы на невялікіх рынках.

Дзюеркоп сказаў, што міжнародныя санкцыі перашкаджаюць імпарту ў КНДР сельскагаспадарчай тэхнікі, вытворчай сыравіны і ўгнаенняў, што таксама тармозіць павышэнне ўраджайнасці ў краіне.