11.03.2019 / 12:19

Мінгарвыканкам адмовіў у правядзенні Дня Волі на стадыёне «Дынама» 5

Заяўнікі правядзення Дня Волі на стадыёне «Дынама» атрымалі сёння адказ з Мінгарвыканкама. Ліст падпісаў намеснік старшыні Арцём Цуран.

Дзень Волі — 2018. Фота Сяргея Гудзіліна.

«З улікам падрыхтоўкі нацыянальнага алімпійскага стадыёна «Дынама» да правядзення ІІ Еўрапейскіх гульняў лічым правядзенне мітынгу і канцэрта на дадзенай пляцоўцы немэтазгодным», — кажацца ў адказе.

Заяўнікам прапанаваныя варыянты ў выглядзе плошчы Бангалор і іншых дазволеных для масавых мерапрыемстваў пляцовак.

Лідар Партыі БНФ Рыгор Кастусёў паведаміў, што пакуль Мінгарвыканкам не адказаў на іх іншыя заяўкі адносна правядзення святочных мерапрыемстваў у Верхнім горадзе, а таксама на пляцоўцы ля Палаца спорта.

1 сакавіка падчас «Вялікай размовы» кіраўнік Беларусі Аляксандр Лукашэнка заявіў, што ніякага мітынгу на стадыёне «Дынама» не будзе.

На мінулым тыдні было адмоўлена прадстаўнікам правацэнтрысцкай кааліцыі, якія хацелі правесці мітынг 25 сакавіка на пляцоўцы ля опернага тэатра.

ЗП

4
меркаванне / Адказаць
11.03.2019 / 12:28
А марыянетке крамля зараз толькі балі і хакеі пацешныя дазваляюцца і грошай не даюць? Вось і лютуе, і на беларусах адыгрываецца?
24
Гражданин России / Адказаць
11.03.2019 / 12:57
А навошта беларусам воля? 
2
mikola ramanau / Адказаць
11.03.2019 / 12:58
Admovili?! Niha zadushaca ! Treba zrabic *Akcyiu* bez Mitynga. Ka ludzi guljali u Parkah............ pa Goradze i t.d.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру