13.03.2019 / 10:52

Даўгабуд каля станцыі метро «Кунцаўшчына» зруйнуюць ФОТА 4

Інвестпраграмай Мінска ў гэтым годзе прадугледжаны знос некалькіх аб'ектаў незавершанага будаўніцтва ў Фрунзенскім раёне, паведамляе карэспандэнт агенцтва «Мінск-Навіны».

Гаворка ідзе пра тры даўгабуды, узвядзенне якіх спынілася практычна на пачатковай стадыі. У мінулым годзе ўчасткі канфіскавалі ў забудоўшчыкаў, цяпер тэрыторыю трэба будзе прывесці ў першапачатковы выгляд.

Адным з самых вядомых даўгабудаў раёна можна лічыць так і не збудаваны шматфункцыянальны комплекс «ЕўраСіці» на вул. Прытыцкага недалёка ад перасячэння з вул. Цімашэнкі. Тут, па задумцы інвестараў, павінен быў вырасці гандлёва-забаўляльны цэнтр, апарт-гатэль, бізнэс-цэнтр, паркінг.

Фота Паўла Русака. 

Аднак будаўніцтва не выйшла нават з так званага нулявога цыклу. Усё спынілася на ўзроўні паль. Цяпер распрацаваны праект зносу канструкцый і добраўпарадкавання тэрыторыі. Мяркуецца, што ў чэрвені ўчастак ужо будзе вольны. У перспектыве яго плануецца выставіць на аўкцыён, бо горад не змяніў сваіх планаў па будаўніцтве аб'екта на гэтым месцы.

Другі даўгабуд размешчаны на вул. Лабанка за гандлёвым цэнтрам. Калісьці тут пачыналася ўзвядзенне шматфункцыянальнага гандлёвага цэнтра. Будаўніцтва таксама слаба прасунулася пасля старту. Цяпер участак трэба будзе вызваліць ад канструкцый. Спецыялісты «Мінскграда» прапануюць на месцы даўгабуда размясціць сацыяльна значны аб'ект, не выключана, што гэта можа быць паліклініка.

Трэцім пунктам на карце раёна, які вызваліцца ад незавершанага аб'екта, стане скрыжаванне вул. Цімашэнкі і Чычурына, дзе ў свой час задумваўся шматузроўневы гараж-стаянка на 300 машына-месцаў з комплексам гандлёва-бытавога абслугоўвання. 

1
Partyzan / Адказаць
13.03.2019 / 11:03
Чаму нельга выставіць на аукцыён у такім стане? А то бодуць бурыць, раўняць, траву сеяць, а потым хноў капаць і бетаніраваць
0
Палкоўнік Зэман / Адказаць
13.03.2019 / 12:26
Зносiць будуць за кошт падаткаплацiльшчыкаў, я так разумею? Той хто даваў дазвол не пры чым???
0
Northbelarusan / Адказаць
13.03.2019 / 14:11
Участак? Пра дзялянку забылі. Вычварэнцы!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру