13.03.2019 / 12:05

Ярмошына прапанавала, каб беларусы, якія жывуць за мяжой, маглі галасаваць праз інтэрнэт 16

Старшыня Цэнтрвыбаркама Лідзія Ярмошына лічыць мэтазгодным адмовіцца ад стварэння выбарчых участкаў за мяжой і даць у такіх выпадках людзям магчымасць галасаваць праз інтэрнэт. Такое меркаванне яна выказала ў інтэрв'ю тэлеканалу «Беларусь 24», паведамляе БелТА.

У Беларусі не плануюць напярэдадні выбараў мяняць выбарчае заканадаўства, у тым ліку ўводзіць галасаванне па пошце ці праз інтэрнэт. Але калі ў перспектыве папраўкі ўсё ж будуць уносіцца, то Лідзія Ярмошына, па яе словах, «прапанавала б не ствараць выбарчыя ўчасткі за мяжой — пры амбасадах, а даваць магчымасць галасаваць менавіта праз інтэрнэт». «Галасаванне за мяжой не задавальняе патрэбы для ўдзелу ў выбарах. Грамадзяне цяпер перамяшчаюцца па ўсім свеце», — патлумачыла яна.

Старшыня ЦВК адзначыла, што ў Беларусі інфармацыйныя тэхналогіі служаць для інфармавання выбаршчыкаў і ўсіх удзельнікаў выбарных кампаній. Неабходную інфармацыю яны могуць атрымаць на спецыяльных рэсурсах, распрацаваных электронных картах выбарчых акругаў, мабільным дадатку, які дапамагае па хатнім адрасе вызначыць свой участак для галасавання і пракласці зручны маршрут да яго. 

0
Электробус / Адказаць
13.03.2019 / 12:15
Яны ўжо прагаласавалі. НАГАМІ!
2
mikola ramanau / Адказаць
13.03.2019 / 12:21
Za Kago? NIKOGA NIMA !
1
Палкоўнік Зэман / Адказаць
13.03.2019 / 12:28
Няўжо iм будзе гэта цiкава? Той хто з'ехаў пад прымусам на выбары не ходзiць. Хто працуе ад дзяржавы галасуе ў амбасадах. Аксiёма жыцця.
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру