Шоўмен Уладзімір Зяленскі займае першае месца ў рэйтынгу кандыдатаў у прэзідэнты Украіны, сведчаць вынікі сацыялагічнага даследавання групы SOCIS.
Калаж: Українська правда.
За Зяленскага гатовыя аддаць свае галасы 27,7% выбаршчыкаў, якія абавязкова будуць галасаваць і вызначыліся са сваім выбарам.
За дзеючага прэзідэнта Пятра Парашэнку гатовыя прагаласаваць 19,6%, за Юлію Цімашэнка — 14,8%, Юрыя Бойку — 9,6%, Анатоля Грыцэнку — 8,2%, Алега Ляшко — 4,8%.
Іншыя кандыдаты набіраюць менш за 3% галасоў.
23,9% украінцаў лічаць, што на выбарах прэзідэнта Украіны пераможа Пятро Парашэнка.
19,3% апытаных думаюць, што пераможа шоўмен Уладзімір Зяленскі. Яшчэ 13,2% рэспандэнтаў лічаць, што краіну ўзначаліць Юлія Цімашэнка.
Пры гэтым, 24% украінцаў не ведаюць, хто пераможа на выбарах. Яшчэ 9,3% адмовіліся адказваць на пытанне.
Даследаванне праводзілася з 5 па 10 сакавіка 2019 сярод насельніцтва Украіны, старэйшага за 18 гадоў, метадам асабістага інтэрв'ю (face-to-face) па месцы жыхарства рэспандэнта. Было апытана 2000 рэспандэнтаў ва ўсіх абласцях Украіны (без уліку насельніцтва АР Крым і акупаваных тэрыторый Данецкай і Луганскай абласцей).