17.03.2019 / 20:41

Паэту Славаміру Адамовічу пагражае да 4 гадоў зняволення за крадзеж, ён пад хатнім арыштам 24

У дачыненні радыкальнага паэта Славаміра Адамовіча заведзеная крымінальная справа за «крадзеж, здзейснены з пранікненнем у жыллё».

Справа была заведзеная ў снежні 2018 года, апошнім часам ён знаходзіўся пад хатнім арыштам.

Славамір Адамовіч, фота Радыё Свабода

У размове з карэспандэнтам «Нашай Нівы» Адамовіч не стаў расказваць падрабязнасці справы, але патлумачыў, што гаворка вядзецца пра суму каля 300 рублёў. Заяву на яго напісала іншая фізічная асоба.

Адамовіч звязвае пераслед са сваёй грамадскай актыўнасцю.

Суд адбудзецца 22 сакавіка ў Мар’інай Горцы. Адамовічу пагражаюць выпраўленчыя працы на тэрмін да двух гадоў, альбо арышт, альбо абмежаванне свабоды на тэрмін да чатырох гадоў, альбо пазбаўленне свабоды на той жа тэрмін.

***

Славамір Адамовіч быў адным з заснавальнікам Таварыства маладых літаратараў «Тутэйшыя», здабыў папулярнасць у 1990-ыя.

У 1995 годзе напісаў верш «Убей президента!», за што быў арыштаваны. У турме КДБ трымаў сухую галадоўку. Праз 10 месяцаў выпушчаны пад падпіску пра нявыезд. Пакаранне, да якога прыгаварыў Славаміра Адамовіча суд, фактычна абмяжоўвалася тым тэрмінам, які ён ужо адбыў у зняволенні.

У 1997 годзе на адным з апазіцыйных мітынгаў публічна зашыў сабе рот у знак пратэсту супраць ціску ўладаў на незалежныя СМІ і незалежных журналістаў.

У пачатку 2000-х эміграваў у Нарвегію, але ў 2009 годзе вярнуўся ў Беларусь і пасяліўся ў Мар'інай Горцы.

NN.by

18
mikola ramanau / Адказаць
13.03.2019 / 20:10
Sjadzeli z Im za *keliskam* u Antwerpene...u 2009........Ne vjartaisa kazau jamu......Ni pasluhau............Zaraz moza kazac-*padstavili*..........
7
ўўў / Адказаць
13.03.2019 / 20:45
Асоба вельмі неадназначная але У яго ёсць проста каласальныя вершы Мудрымі будзем як змеі Хітрымі нібы лісы Светлымі як лілеі І першымі ў чорных спісах...
13
Танчык / Адказаць
13.03.2019 / 21:35
"Шыюць" справы, каму могуць, спрабуюць ачарніць. Але ж  подпісы свае ставяць - за гэтыя подпісы і адказваць потым будуць абавязкова.
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру