14.03.2019 / 06:16

«Боінг» папрасіў прыпыніць палёты ўсіх самалётаў 737 Max 8

Авіябудаўнічая карпарацыя Boeing заявіла, што «вырашыла рэкамендаваць Федэральнаму ўпраўленню грамадзянскай авіяцыі ЗША часовае прыпыненне палётаў усяго глабальнага флоту 737 MAX, які складаецца з 371 самалёта». Кампанія падтрымлівае адпаведнае рашэнне ўпраўлення, прынятае пасля катастрофы самалёта ў Эфіопіі.

«Бяспека заставалася галоўнай каштоўнасцю для Boeing з тых часоў, як мы пачалі будаваць самалёты, і застанецца ёю назаўсёды. Большага прыярытэту для нашай кампаніі і нашай індустрыі не існуе», — сказаў прэзідэнт кампаніі Дэніс Мюленбург.

Пры гэтым з дадзеных з сайта кампаніі вынікае, што ўсяго яна паставіла 376 самалётаў 737 MAX (пры сукупным аб'ёме заказаў 5012 адзінак).

4
КРЕМЕНЬ / Адказаць
14.03.2019 / 07:44
Как????!!!! Ни одного комментария от великих знатоков авиатехники? 
5
Жвір / Адказаць
14.03.2019 / 09:59
На мінулым тыдні тройчы меўся лётаць 737-мым. Ну, не ў Афрыцы, канечне ж... Гэтай жа машынай і раней рэгулярна меў кароткія пералёты ў Эўропе. Ня думаю, што прычына ў недапрацоўках канструктараў. Чамусьці не даюць інфармацыю атрыманую з "чорных скрыняў"... Мяркую, што прычына ў кваліфікацыі пілотаў. Цяпер на рынку не стае гэтай катэгорыі працоўных, дапускаю, што за штурвалам можа апынуцца персанал, які не напрацаваў яшчэ належнага досьведу...
4
Козік / Адказаць
14.03.2019 / 10:46
Я, як вялікі спец у авятэхніцы, магу меркаваць, што пілот, нагледзеўшыся праектаў Маска думаў, што ён кіруе ракетай з вертыкальным узлетам і пасадкай.  Па выглядзе ямы на месцы падзення, вертыкальны ўзлёт і пасадка не атрымаліся.. 
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру