14.03.2019 / 10:27

У Швецыі на Нобелеўскую прэмію міру намінавалі 16-гадовую школьніцу 8

Photograph by Anders Hellberg

Скандынаўскія палітыкі намінавалі 16-гадовую шведскую школьніцу Грэту Турнберг на Нобелеўскую прэмію міру за яе ўклад у рух за барацьбу з глабальным пацяпленнем, паведамляе выданне Aftonbladet.

«Вельмі ганарова і прыемна быць намінаванай на такую ​​важную прэмію. Гэта неймаверна і крыху дзіўна», — сказала Грэта ў інтэрв'ю Aftonbladet.

З ініцыятывай выступілі шведскія палітыкі Енс Хольм і Хокан Свенелінг, якія прадстаўляюць у парламенце Левую партыю, а таксама шэраг нарвежскіх палітыкаў.

Юная шведка прыцягнула ўвагу СМІ, калі ў жніўні 2018 года пачала адзіночны «школьны страйк» перад будынкам парламента ў Стакгольме. Яна заявіла, што не будзе наведваць школу, пакуль шведскія палітыкі не пачнуць выконваць умовы Парыжскай дамовы па скарачэнні шкодных выкідаў. Грэту Турнберг запрашалі выступаць на канферэнцыі ААН па пытаннях клімату і на Сусветным эканамічным форуме ў Давосе. Яна натхніла тысячы школьнікаў па ўсёй Еўропе, прытрымліваючыся яе прыкладу, выйсці на вуліцы, каб прыцягнуць увагу да праблемы змянення клімату.

0
Ян Севярын Бакей / Адказаць
14.03.2019 / 10:57
цікава, каб які адчайны апошні беларус пачаў "адзіночны штрайк" з адмовай наведваць школу ў абарону канстытуцыйнай нормы раўнапраўя беларускай мовы - хто б гэта заўважыў? (ну, акрамя фрыкаў у энкавэдэшнай форме, якія далі б загад мясцоваму участковаму прыцягнуць да адказнасьці за брудную лаянку і размахваньне рукамі?)
5
Заходнік / Адказаць
14.03.2019 / 11:22
Дзяўчынка безумоўна малайчына.  
Але каб нашыя школьнікі б даведаліся, што можна атрымаць мільен даляраў за тое што не пайшоў у школу. Што б тут пачалося :)))
0
меркаванне / Адказаць
14.03.2019 / 13:20
Нашым, якія ўжо год змагаюцца супраць акумулятарнага завода лукашэнкі ва ўмовах пераследу, можна выдвігацца на наступную?
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру