14.03.2019 / 14:52

Апублікавана ВІДЭА выпрабаванняў беларускай версіі штурмавіка Су-25 1

У ААТ «558 Авіяцыйны рамонтны завод» стварылі удасканаленую версію вядомага штурмавіка Су-25. Відэа выпрабаванняў новай машыны прадаставіла прэс-служба Дзяржкамваенпрама.

На штурмавіку, створаным яшчэ ў 1970-х, было заменена ўсе састарэлае аналагавае бартавое радыёэлектроннае абсталяванне. Яго месца занялі сучасныя лічбавыя комплексы, якія дазволілі ўжываць найноўшыя авіяцыйныя сродкі паражэння.

Павысілася і баявая жывучасць машыны за кошт увядзення новых рэжымаў і ўстаноўкі сістэмы радыёэлектроннай абароны ад паразы высокадакладнай зброяй «Сатэліт» айчыннай распрацоўкі.

У ходзе мадэрнізацыі была павялічана наменклатура авіяцыйных сродкаў паражэння, а таксама дададзены новыя рэжымы прымянення зброі. Напрыклад, штурмавік здольны наносіць дакладныя ўдары свабоднападаючымі авіяцыйнымі бомбамі без візуальнай бачнасці цэлі, грунтуючыся на дадзеных навігацыйнага абсталявання.

0
bazin / Адказаць
16.03.2019 / 09:49
Почему-то опознавательные знаки ВВС Казахстана...
Каб пакінуць каментар, калі ласка, актывуйце JavaScript у наладах свайго браўзеру