15.03.2019 / 12:45

Жыхары Вілейкі сабралі 650 подпісаў за адмену канцэрта Віктара Каліны. Але Палац культуры пакуль не здаецца 15

Канцэрт выканаўцы блатных песень Віктара Каліны павінен адбыцца ў Вілейцы 2 красавіка. Аднак гэта абурыла некаторых жыхароў горада. І ў інтэрнэце з’явілася петыцыя за адмену канцэрта. Ужо сабрана 660 подпісаў.

Аднак кіраўніцтва пляцоўкі, дзе павінен выступіць Віктар Каліна, не бачыць падставаў для адмены канцэрта. 

«Калі гэтаму артысту выдалі гастрольнае пасведчанне, — а я думаю, што яго праверылі на наяўнасць нейкіх магчымых праблем, — то ніхто Віктару Каліне не адмовіць у выступленні ў нашым горадзе», — тлумачыць дырэктарка Вілейскага палаца культуры Алеся Высоцкая.

На афішы пазначана, што ўзроставае абмежаванне на гэты канцэрт 12+. Ці варта дзецям слухаць песні з радкамі: «Не шмонай мне душу, мент, я тебе совсем не кент, что ты там напел жене, как ты, сука, дорог мне»?

«Канкрэтна гэтай песні ў праграме, якую заявіў артыст, няма. Перад тым, як атрымаць гастрольнае пасведчанне, артыст павінен прадставіць праграму песень, якія плануе выканаць падчас канцэрта. І тады вырашаецца, гледачам якога ўзросту можна наведваць гэты канцэрт», — тлумачыць Алеся Высоцкая.

Між тым, сам спявак таксама выказаўся наконт магчымасці адмены выступу на сваёй старонцы «У кантакце»:

«Ад 2015 года, са студзеня, нічога не мяняецца. Адзін тэкст, адно патрабаванне, адныя і тыя ж памылкі, толькі змяняецца назва горада. Усё ад пачатку да канца хлусня і сфабрыкаваны ўкід! Казаў і паўтаруся, гэтыя недаразвітыя апазіцыйныя звяркі мяне нават не забаўляюць».

На канцэрт у Палацы культуры, які змяшчае 500 чалавек, пакуль прададзена каля 100 білетаў.

Чытайце таксама:

«Працякла труба», «рамонт залы»: у краіне масава адмяняюцца канцэрты Віктара Каліны

Віктару Каліну пажыццёва забаранілі выступы ў Пружанах

Віктар Каліна накінуўся з мацюкамі на каментатараў, якія абурыліся яго гастролямі па Беларусі

nn.by

5
Vox Populi / Адказаць
15.03.2019 / 12:54
Ганьба!
5
Пятрок / Адказаць
15.03.2019 / 13:06
"Товарищ не поооонимает-- товарищу надо об"яснить".
5
1918 / Адказаць
15.03.2019 / 13:09
Безумоўна дзейнасьць В.Каліны супярэчыць нормам нават дзейснага беларускага заканадаўства. Чалавек неаднаразова заклікаў да гвалтоўных дзеяньняў супраць людзей зь якімі ён ня згодны. Дадзеныя паводзіны недапушчальны ў грамадзтве. Непрыманьне каштоўнасьцяў беларускай Незалежнасьці, адмаўленьне беларускай нацыі ў праве на існаваньне асобна ад ўяўных супольнасьцяў (рускі мір, славянскае адзінства) павінна быць прычынай для спыненьня прапагандысцкай дзейнасьці дадзенага грамадзяніна.

Беларуская улада часьцяком ставіцца да прарасейцаў з вялікай доляй паблажлівасьці. Распальваючы варожасьць яны потым хаваюцца ў бульбу прыкрываючыся рознымі квазі-коркамі: блогераў, сьпевакоў, бізнэсоўцаў. Нібыта іх грамадзянская пазыцыя ня можа быць падставай для забароны на прафесію, а рознага кшталту абмежаваньні - гэта парушэньне іх права на свабоднае выказваньне сваіх думак.  

Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру