Фота Ігара Мацвеева.
15 сакавіка пасол Расіі ў Беларусі Міхаіл Бабіч адказаў на каментар прэс-сакратара МЗС Беларусі Анатоля Глаза аб інтэрв'ю агенцтву РІА «Навіны». Пасол сёння здзяйсняе працоўны візіт у Віцебск, у прыватнасці, пабываў на абутковым прадпрыемстве «Белвест», піша Tut.by.
«Мабыць, гэта і ёсць верх дыпламатычнай школы, пра якую казалася ў гэтым каментары. У яго форме для нас нічога дзіўнага няма.
Але за формай трэба разумець змест. А змест такі, што, я ўпэўнены, гэтая «пена» сыдзе. Галоўнае, каб мы маглі аб'ектыўна ацаніць аргументы і расійскага боку, і беларускага боку, выпрацаваць узаемапрымальнае рашэнне на карысць нашых народаў. А ўсё астатняе — балбатня», — заявіў Міхаіл Бабіч.