Рэспубліканскае грамадскае аб’яднанне «Таварыства беларускай школы» (ТБШ) летась правяло конкурс «Беларускі Настаўнік 2007 года Мінска і Мінскай вобласці». Пераможцамі яго сталі: Юрый Бандарэнка, выдатнік адукацыі БССР, СССР, фізік, дырэктар Мінскай беларускай нацыянальнай гімназіі №4; Уладзімір Мартысюк, заслужаны настаўнік Беларусі і РФ, матэматык СШ №168 г.Мінска; Міхась Тычына, доктар філалагічных навук, прафесар, выкладчык зачыненага Гуманітарнага ліцэя імя Якуба Коласа; Наталля Ільініч, настаўніца гісторыі, айчыннай і сусветнай мастацкай культуры Талькаўскай СШ Пухавіцкага раёна; Галіна Дрокіна, выкладчык геаграфіі і эканомікі гімназіі №10 г.Маладзечна; Антаніна Абрамовіч, намеснік дырэктара па этнакласах Мётчанскай СШ‑сада Барысаўскага раёна.
Сёлета абвяшчаецца чарговы конкурс. У ім могуць прыняць удзел педагогі усіх тыпаў адукацыйных і выхаваўчых устаноў (ад дашкольных да каледжаў), акрамя ВНУ, са стажам працы не менш трох гадоў. На кандыдата конкурса запаўняецца анкета (дадаецца) рэкамендуючай арганізацыі, установы, або самім педагогам і дасылаецца да 1.03.09 на адзін з адрасоў: [email protected]; 220051 Мінск, вул.Громава, 38‑21. Лозку А.Ю. Могуць дадавацца іншыя матэрыялы, што пацвярджаюць высокія вартасці кандыдата. Пры неабходнасці журы ТБШ можа наведаць установу канкурсанта.
Конкурс будзе асвятляцца ў прэсе і на старонцы ў інтэрнэце http://nastaunik.info. Даведкі па тэл. 8029‑7520821.
Задачы конкурса:
маральная падтрымка беларускамоўных педагогаў адукацыйных устаноў;
прыцягненне ўвагі грамадскасці да праблем роднамоўнага выкладання і выхавання ў базавых і сярэдніх школах, дашкольных і пазашкольных установах, ліцэях, гімназіях і каледжах;
фарміраванне грамадскай думкі аб прэстыжнасці навучання па‑беларуску;
аб’яднанне беларускамоўных педагогаў, спрыянне іх супрацоўніцтву, абмену досведам працы, арганізацыі супольных праектаў і інш.
Крытэрыі вызначэння пераможцаў конкурса:
выкладанне па‑беларуску дысцыпліны ці правядзенне выхаваўчай працы на роднай мове;
прафесіяналізм і наватарства, творчасць і навуковасць;
аўтарытэт сярод калег, бацькоўскай грамадскасці і навучэнцаў;
высокая грамадзянская пазіцыя.
Усе дастойныя кандыдаты будуць адзначаны дыпломамі ТБШ, асобна будуць ганараваны тры пераможцы‑лаўрэаты ў красавіку 2009 г.
* * *
АНКЕТА на ўдзел у конкурсе «Беларускі Настаўнік 2008 года»
Прозвішча___________________імя____________________імя па бацьку ___________________
Дата нараджэння _______________ і месца нараджэння ___________________________________
Адукацыя (установа)_________________________________________________________________
Досвед працы (дзе працаваў і колькі?)__________________________________________________
___________________________________________________________________________________
Апошняе месца працы, пасада ________________________________________________________
___________________________________________________________________________________ Прадмет выкладання ________________________________________________________________
___________________________________________________________________________________
Характарыстыка пазакласнай і пазашкольнай дзейнасці (апісанне досведу выхаваўчай працы,
публікацыі)________________________________________________________________________
__________________________________________________________________________________
___________________________________________________________________________________
___________________________________________________________________________________
___________________________________________________________________________________
Грамадская дзейнасць _______________________________________________________________
___________________________________________________________________________________
___________________________________________________________________________________
Кароткая характарыстыка рэкамендаванага (можна пісаць на асобным лісце)__________________
___________________________________________________________________________________
___________________________________________________________________________________
Адрас, тэл. рэкамендаванага ___________________________________________________________
___________________________________________________________________________________
Прозвішчы і пасады тых, хто рэкамендуе _______________________________________________
___________________________________________________________________________________
(подпісы і кантактны адрас, тэл.).
«____»_________200___г.
