15.03.2019 / 22:18

У Беларусі пачнуць вяшчанне яшчэ некалькі ўкраінскіх тэлеканалаў, але не інфармацыйных і невядома калі 31

Чатыры ўкраінскія тэлеканалы пачнуць транслявацца ў Беларусі ў найбліжэйшы час, акрамя канала «UATV», які ўжо атрымаў афіцыйны дазвол на трансляцыю, паведамляе interfax.by.

Афіцыйны дазвол на трансляцыю «UATV» дзейнічае ў Беларусі з 24 студзеня бягучага года.

«На сёння яшчэ дакладна адзін украінскі канал атрымаў дазвол на вяшчанне ў Беларусі — гэта тэлеканал «Film.ua Drama» і ў студзені ён ужо пачаў распаўсюджвацца. І ў Міністэрстве інфармацыі Беларусі на сёння знаходзяцца на разглядзе яшчэ два тэлеканалы кампаніі «Star Cinema» і «Star Media». У перспектыве на найбліжэйшы час тэлеканал «World» украінскі. Але гэта ўсё каналы не інфармацыйныя, не дзяржаўныя — яны нішавыя» — паведаміла генеральны дырэктар «UATV» Людміла Беразоўская ў інтэрв'ю журналістам у рамках прэзентацыі тэлеканала, якая прайшла ў пасольстве Украіны ў Беларусі 15 сакавіка.

Па словах дырэктара афіцыйнага дыстрыб'ютара тэлеканала «UATV» у Беларусі ТАА «Навігатар ТБ» Вадзіма Ціхановіча, акрамя названых, яшчэ два ўкраінскія тэлеканалы падалі заяву на дазвол трансляцыі ў Міністэрства інфармацыі Беларусі. «Яшчэ два каналы падаліся літаральна ўчора — гэта «1+1 International» і «Квартал 95», — распавёў ён журналістам.

Зараз «Навігатар ТБ» склаў каля 20 дагавораў аб вяшчанні «UATV» з беларускімі аператарамі кабельных сетак; у дзесяці з іх прагляд ужо даступны. Траціна аператараў вяшчае ў Мінскай вобласці, астатнія — у Гомельскай і Брэсцкай. У найбліжэйшы час плануецца падключэнне да іншых беларускіх аператараў кабельных сетак.

Усяго ў Беларусі дзейнічае каля 150 кабельных тэлеаператараў. Найбуйнейшымі з'яўляюцца «МТІС», «Вэлком» і «Космас Тэлекам», аднак яны пакуль што не ўключылі ўкраінскі тэлеканал.

194
Ляксандра / Адказаць
15.03.2019 / 22:24
Кому эта пропагандисткая наволочь нужна?Ну,только если тем,кто про "славу Украины"привык время от времени упоминать на форумах.Так они единичны.
5
võitleja / Адказаць
15.03.2019 / 22:48
Колькі не сустракаў каментары "Ляксандры", яны ўсе былі на карысць Хранлю! "Супадзенне?! Не мяркую так!"
4
Перфекцыяніст / Адказаць
15.03.2019 / 22:50
з беларускімі аператарамі кабельных сетак
https://nn.by/?c=ar&i=2270

То бок ZALA ў спісе няма?  Ну тады не лічыцца.

5га каналу няма... Таксама нецікава.
Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру