Сігнал ад дзяжурнага па МНС пра тое, што знойдзена авіяцыйная бомба на будаўнічай пляцоўцы па вуліцы Аэрадромнай у Мінску паступіў 16 сакавіка прыблізна ў 11:20 у дзяжурную службу вайсковай часці 5448.
Пры правядзенні работ экскаватар выняў яе з зямлі, паведамілі ў прэс-службе ўнутраных войскаў МУС.
Міліцыя ачапіла раён і эвакуіравала будаўнікоў.
Сапёрна-піратэхнічная група вызначыла, што гэта фугаснага авіяцыйная бомба савецкай вытворчасці калібрам 100 кг з выбухоўнікам ФАБ-100.
Паводле інфармацыі сайта «Усё аб Другой сусветнай», такія авіябомбы розных мадыфікацый выпускаліся ў СССР з 1932 года і выкарыстоўваліся ў гады вайны.
На іх былі выбухоўнікі імгненнага дзеяння, некаторыя з затрымкай 0,3 с. Даўжыня такіх бомб складала 964 мм; дыяметр — 267 мм; маса — 100 кг; маса выбуховага рэчыва — 70 кг; таўшчыня сценак — 14 мм; радыус паражэння — 18 м.
Сапёры агледзелі тэрыторыю, іншых небяспечных прадметаў выяўлена не было. Авіябомбу ў спецаўтамабілі ў суправаджэнні экіпажа ДАІ транспартавалі за межы Мінска на падрыўную пляцоўку для знішчэння.
Цяпер чытаюць
«Я гатовая стаць міністрам эканомікі Беларусі». Новы твар у Кабінеце Аліса Рыжычэнка — пра карупцыю на карысць Лукашэнак, Зарэцкую і рэформы47
Каментары