18.03.2019 / 06:31

Памёр Дзік Дэйл — аўтар аднаго з самых пазнавальных хітоў ХХ стагоддзя 6

Ён быў каралём сёрф-року, а ягонымі продкамі былі ліванцы, палякі і беларусы.

Mike Burns, flickr.com

Амерыканскі гітарыст Дзік Дэйл памёр ва ўзросце 81 года.

Яго сапраўднае імя было Рычард Энтані Мансур, ён нарадзіўся ў 1937 годзе ў Бостане ў сям'і выхадцаў з Лівана (па бацьку), Польшчы і Беларусі (па лініі маці).

Дэйл вядомы як заснавальнік музычнага стылю сёрф-рок, які стаў папулярны ў 1960-х дзякуючы такім групам як The Beach Boys і The Ventures. За гады музычнай кар'еры ён выпусціў 11 альбомаў і 14 зборнікаў.

Ягоны галоўны хіт 1962 года Misirlou выкарыстаў Квенцін Таранціна для «Крымінальнага чытва».

Арыгінальнае выкананне 1963 года

У апошнія гады Дзік Дэйл змагаўся з ракам прамой кішкі, пакутаваў на дыябет і меў праблемы з пазванкамі. Нягледзячы на ​​хваробу, ён актыўна гастраляваў і нават запланаваў выступы на май і летнія месяцы. Медыцынская страхоўка не пакрывала выдаткі на лячэнне.

3
LitvinM / Адказаць
18.03.2019 / 07:33
Медыцынская страхоўка не пакрывала выдаткі на лячэньне --- Гэта жахліва. 21 стагоддзе
19
Электробус / Адказаць
18.03.2019 / 08:01
LitvinM, гэта капіталізм
2
LitvinM / Адказаць
18.03.2019 / 08:18
Электробус,
Гэта дэбелізм - у прыватнасьці ў ЗША. Існуе процьма капіталістычных краін, дзе такога няма і блізка - і гэта факт. 
Існуе і неакамунізм у пэўных краінах, дзе вы таксама не знойдзеце адпаведных лекаў, абязбольваючых, і людзскага нагляда. 
Паўтарусь - гэта дэбілізм
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру