18.03.2019 / 12:06

Сіноптыкі распавялі пра надвор'е на гэты тыдзень 1

Няўстойлівае надвор'е з дажджом і мокрым снегам і да 12 градусаў цяпла чакаецца ў Беларусі на гэтым тыдні, паведамілі БелТА ў Гідрамеце.

У аўторак днём месцамі па краіне чакаецца моцны парывісты вецер. Тэмпература паветра ўначы ад нуля да +5, днём — + 5-11.

У сераду, 20 сакавіка, будзе пераважна без ападкаў, толькі месцамі па поўначы магчымы мокры снег і дождж). Уначы ад мінус 3 да +3, удзень — +3-10.

У чацвер сістэма атмасферных франтоў з Заходняй Еўропы прынясе новую порцыю вільготнага паветра. Ноччу і раніцай на большай частцы тэрыторыі, днём месцамі, у асноўным па ўсходзе краіны, пройдуць кароткачасовыя ападкі. Месцамі прагназуецца ўзмацненне ветру парывамі да 15-18 м/с. Ноччу ад мінус 2 да +4, днём — +4—11.

У пятніцу, 22 сакавіка, месцамі па краіне пройдуць кароткачасовыя дажджы. Уначы ад мінус 3 да +4, днём — +5-12.

0
Жвір / Адказаць
18.03.2019 / 14:43
Учора бачыў шматлікія чароды гусёў. Ляцелі дакладна з захаду на ўсход. То бок -  не !
Каб пакінуць каментар, калі ласка, актывуйце JavaScript у наладах свайго браўзеру