«Наша Ніва» паведамляла, што ў ліфце аднаго з новых дамоў у мінскім Копішчы наш чытач зняў абвестку «Раблю ўсё, Ахмед».
Але надпіс выявіўся фэйкам: па згаданым нумары трубку зняў мужчына, які сказаў, што яго зваць не Ахмед.
«Не, не. Мне ўжо званілі, гэта не я, можа, нейкая памылка ў нумары. Я не пісаў», — сказаў ён.
«Мяне зваць Яўген, я не з Сярэдняй Азіі, я беларус. Не ведаю, чаму там мой нумар. Мне ўжо і з міліцыі званілі, бо ў іншым месцы былі нейкія надпісы, якія абурылі жыхароў», — дадаў ён.
Мужчына не сказаў, чым ён займаецца, але на развітанне ўдакладніў, ці не трэба нам што-небудзь пабудаваць.
0
0
0
0
0
0
