18.03.2019 / 15:56

Галоўны рэдактар «Эхо Москвы»: Прызначэнне Бабіча — гэта прызначэнне пракуратара ў заваяваную правінцыю 20

Галоўны рэдактар папулярнай расійскай радыёстанцыі «Эхо Москвы» Аляксей Венядзіктаў пракаментаваў у эфіры апошняе абвастрэнне беларуска-расійскіх адносін, у выніку якога ўзнікла сварка паміж беларускім МЗС і расійскім паслом.

— Яшчэ калі толькі ішло прызначэнне Міхаіла Бабіча, я вам казаў, што прызначэнне Міхаіла Бабіча — гэта прызначэнне пракуратара ў заваяваную правінцыю. Я не такімі словамі казаў, але цяпер зразумела, што гэта так. Міхаіл Бабіч зусім не дыпламат, ён генерал. Даволі грубы. І кіраўнікі Прыволжскай акругі неаднаразова скардзіліся на яго грубасць (ён быў прадстаўніком прэзідэнта) прэзідэнту Расіі. Ён спецыяльна менавіта чалавек з такімі кампетэнцыямі быў прызначаны на пасаду пасла Беларусі. Ну вось, МЗС Беларусі ў чарговы раз не вытрымала або ў першы раз не вытрымала і даволі грубавата, у стылі генерала Бабіча, пасла Бабіча адказала яму пра тое, што, мабыць, спадар Бабіч не бачыць розніцы паміж федэральнай акругай Расіі і суверэннай дзяржавай. Намёк зразумелы. На што Бабіч назваў словы МЗС «балбатнёй». Будзем назіраць. Але я хачу сказаць, што, безумоўна, Бабіч гэта робіць пры падтрымцы прэзідэнта Пуціна. У вас не павінна быць ніякіх сумненняў. Няма ніякага Бабіча. Ёсць Пуцін, — заявіў Венедзіктаў.

Галоўны рэдактар ​​расійскай радыёстанцыі адзначыў, што Бабіч не проста пасол, ён яшчэ і спецыяльны прадстаўнік прэзідэнта па развіцці адносін з Беларуссю. Ён чалавек, які павінен тэхналагічна забяспечваць глыбокую інтэграцыю.

«Я лічу, што, давай эўфемізм, у адно слова «глыбокаяінтэграцыя» — гэта з'яўляецца прыярытэтам Расіі на цяперашні мандат прэзідэнта Пуціна», — заявіў Венедзіктаў.

4
mikola ramanau / Адказаць
18.03.2019 / 16:06
Dobra skazau ! Adnak za pabnye slovy mozna skonczyc kepska...................Jak Barys Nemcou.....
3
Дамініка / Адказаць
18.03.2019 / 16:10
Ну вось, адэкватная ацэнка сітуацыі.
3
дзядзька Рыгор / Адказаць
18.03.2019 / 16:14
xxx вам
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру